O programa "Cinema na escola" persegue converter a cada alumno/a en o verdadeiro protagonista da aprendizaxe, xa que cada participante é capaz de desenvolver os seus talentos, traballar en equipo, desenvolver a súa creatividade, aprender, expresar emocións e contar historias.

Requisitos

• A elaboración da curtametraxe polo alumnado participante realizarase utilizando o apoio e as ferramentas técnicas do equipo técnico e coordinador do programa
• As curtametraxes terán que ser en lingua galega e deben entregarse no mes de abril.

Organización do programa

O programa consta de:

• Talleres formativos presenciais e acompañamento durante todo o programa co obxectivo de proporcionar ferramentas ao alumnado e profesorado para poder elaborar unha curtametraxe e garantir o éxito do proceso
• Celebración do concurso: a presentación das curtametraxes farase nunha gala final nas que un xurado cualificado elixirá os curtos gañadores nas distintas categorías.

Talleres formativos

levará a cabo un programa formativo específico para cada grupo de alumnado e profesorado participante para que poidan traballar na aula a creación dunha curtametraxe sobre un tema libremente decidido polo grupo; na que se abordarán aspectos relacionados coa creación e produción audiovisual.

Fases

1. A formación inicial constará dun mínimo de 2 sesións de 90 minutos cada unha, no horario para determinar cos centros participantes.
2. Terminada a fase de formación, proporcionarase seguimento e acompañamento aos grupos durante os traballos de guionización, gravación, edición e montaxe final das curtametraxes. A estimación do número de horas destinado a este acompañamento individualizado será de 5 horas por grupo.

Ao longo deste proceso, a empresa organizadora asignará a unha acode especialista na materia que estará dispoñible para resolver dúbidas e axudar de maneira telemática e/ou presencial aos grupos participantes.

A empresa organizadora, en coordinación co SME, establecerá os períodos formativos, de acordo cos centros educativos participantes.

CELEBRACIÓN DO CONCURSO

Entrega de curtametraxes

Unha vez materializado o produto final, os grupos participantes deberán envialo á empresa organizadora do programa, para a súa custodia e posterior publicación na conta oficial en Youtube do SME. A data límite de entrega será o 30 de abril de 2027

Para a valoración das curtametraxes presentadas, do mesmo xeito que en edicións anteriores, designarase un xurado composto por, polo menos, 3 membros especialistas na materia, actuando como secretario/a un/a técnico/a de o Servizo Municipal de Educación, que levantará acta do desenvolvemento e conclusións do fallo, podendo quedar deserto algún premio.

O xurado visionará as curtametraxes presentadas polos grupos das dúas categorías, educación primaria e educación secundaria, para a súa valoración, propoñendo unha selección de proxectos finalistas para cada un dos premios propostos. O xurado facilitará en sobres lacrados o nome da curtametraxe gañadora de cada un dos premios do concurso en ambas as categorías. O premio para cada un dos grupos premiados consistirá en galardóns e figuras.

Premios

Os premios propostos por cada categoría serán os seguintes:

1. Mellor curtametraxe
2. Mellor interpretación
3. Mellor guion
4. Mellor fotografía
5. Mellores efectos visuais
6. Mellor edición e montaxe
7. Mellor edición de audio

Na etapa educativa de Educación Primaria, o valor pedagóxico do programa está moito máis relacionado co proceso vivido, a participación, o traballo en equipo, a creatividade ou a superación de dificultades que coa excelencia técnica final. Por este motivo, o xurado poderá reformular parte dos premios técnicos, potenciando os máis vinculados aos valores educativos e humanos do proxecto, por exemplo: Curtametraxe máis divertida, Premio ao esforzo, Premio aos valores, Premio á creatividade, Premio ao traballo en equipo...

A proposta de premios poderá verse ampliada, con mencións especiais, en función do número de grupos participantes.

Premio da público - votación popular

Para outorgar o premio do público (mellor curtametraxe por votación popular), poderanse visualizar os curtos presentados na canle de YouTube de Educación do Concello da Coruña.

Para determinar os curtos gañadores do premio do público teranse en conta as estatísticas de reproducións, likes e retencións (porcentaxe de tempo visto) durante a semana anterior ás galas.

Gala Final

Os premios serán entregados nunha Gala Final por cada categoríad, na que serán proyectaods fragmentos dos curtos finalistas, desvelados os grupos gañadores e entregados os premios correspondentes. As galas celebraranse no Centro Sociocultural Ágora, os días 19 (primaria) e 20 (ESO) de maio de 2027 (datas por confirmar).

En ambas as galas contaremos coaprese ncia do Concelleiro de Educación, Formación e Innovación Tecnolóxica, Juan Ignacio Borrego Vázquez, que entregará varios premios.