Aspectos a ter en conta

• O máis importante é que os debuxos sexan feitos polos propios nenos/as. Non vale a axuda de pais, nais ou outra persoa adulta.
• Todos os debuxos teñen que ser en cartolina de tamaño A4 con fondo branco e con cores. Non pode haber ningún tipo de adhesivo, relevo nin brillantina.
• Entregarase xunto cun sobre onde figure a folla de autorización para participar no concurso.
• Non debe vir ningún nome no propio debuxo.

Premios

O colexio gañador recibirá un agasallo moi especial: unha actuación musical ou teatral sorpresa para que todas e todos gocen no cole o último día antes das vacacións de Nadal.

Os/as nenos/as gañadores terán varios agasallos especiais:

• O/a neno/a cuxo debuxo sexa elixido como Postal de Nadal 2026 do Concello da Coruña poderá coñecer aos Reis Meigos de Oriente e á Alcaldesa o día 5 de xaneiro de 2027 no Palacio Municipal de María Pita . Virá acompañado/a de os seus familiares. Ademais, recibirá un agasallo sorpresa.
• A clase do neno/a gañador/a, poderá participar como figurante na Cabalgata dos Reis Meigos o día 5 de xaneiro de 2027. Reservaremos un tren para todo o grupo.
• Farase un sorteo de 10 agasallos entre todos os debuxos seleccionados polos colexios e entregados ao Concello. Os agasallos serán elixidos pola Concellería de Educación.