- Inicio
- Programas Educativos
- Detalle programa
Concurso de Drons 2026-27
Sesións de formación e de familiarización no manexo de drons para posteriormente participar nun concurso a nivel autonómico.
Trátase de propiciar a introdución na aula dunha tecnoloxía nova e motivadora, así como de alcanzar obxectivos educativos a través do manexo e programación con Droneblocks do dron Tello.
Abordaranse as posibilidades e limitacións para o voo de drons. As súas características e manexo, así como a forma de accionar e controlar un dron desde un computador ou dispositivo móbil. Realizarase a programación de drons utilizando Droneblocks, que está baseado en Scratch (linguaxe de programación a través de bloques, creado polo MIT).
Localización do centro:
De calquera concello
Servizo municipal:
Educación
Tipo de actividade:
Complementaria
Titularidade do centro:
Público, Concertado, Privado
A quen vai dirixido?:
Alumnado dos seguintes niveis, agrupados en dúas categorías:
- Categoría A:de 1º a 3º de ESO.
- Categoría B: 4º de ESO, BACH e FP de grao medio.
Teñen preferencia os centros inscritos no "Taller e Concurso de Robótica" ( Obradoiro e concurso galego de robótica "A maxia da robótica" 2026-2027 ).
Horario:
As datas de realización serán o 27 e 28 de outubro.
A sesións desenvolveranse en dúas quendas: de 16.45 a 18.00 h.
Prezo / Custo:
Gratuíto.
Obxecto:
- Desenvolver o pensamento computacional, incorporando o potencial do razoamento lóxico (eventos, secuencias, bucles, variables, funcións, condicionais...) como sistema de resolución de problemas.
- Desenvolver o pensamento crítico, a comunicación e o deseño colaborativo.
- Mellorar a orientación e visualización espacial.
Concederanse tres premios de 100 €, un por cada categoría e outro ao centro mellor clasificado do Concello da Coruña.
Un centro non poderá levar máis dun premio. O grupo de alumnos/as concursará pola categoría máis alta, se no mesmo equipo os participantes son de distinta categoría.
A data de entrega de premios está por determinar. Realizarase conxuntamente coa entrega de premios do concurso de Robótica ( Obradoiro e concurso galego de robótica "A maxia da robótica" 2026-2027 ).
A actividade realizarase nun lugar aínda por determinar.
Cando:
Dende o 28/10/2026 ata o 29/10/2026
O programa levarase a cabo os días 28 e 29 de outubro, en dúas quendas: de 16.45 a 18.00 horas.
A actividade terá lugar nun centro aínda por determinar.
Inscricións:
Dende o 21/09/2026 ata o 09/10/2026
Os centros participantes deberán anotarse a través da ficha de solicitude de IGACIENCIA (desde o 21 de setembro ata o 9 de outubro).
Prazos de inscrición na ficha de IGACIENCIA:
- Do 21/09/2026, ás 10 h, ao 25/09/2026, para os centros do Concello da Coruña:
- 1 grupo por centro na actividade de Robótica o que, á súa vez, dará opción a inscribir 1 equipo por centro na actividade de Drons, de ter interese en participar tamén nesta actividade.
- Do 28/09/2026, ás 10.00 h, ao 02/10/2026, para os centros de fóra do Concello da Coruña, coas mesmas condicións que figuran no apartado anterior.
- Do 05/10/2026, ás 10.00 h, ao 09/10/2026, se quedan prazas libres, inscrición para todos os centros dun segundo grupo en Robótica e/ou equipo en drons. Tamén terán opción de inscribir un equipo en Drones calquera centro, aínda que non estea inscrito en Robótica.
Contacto:
IGACIENCIA
Inés Ben
Servizo Municipal de Educación
Tel. 981 184 200 ext. 10911
Requisitos:
Os equipos estarán formados por 3 membros.
Non é precisa unha formación previa pero solicitarase que se visualice previamente o seguinte vídeo: https://www.youtube.com/watch?v=KqZe2QPYDxg
Organiza:
IGACIENCIA
Enderezo:
Rúa Mª Victoria Fdez-España y Fdez-Latorre 2. 15002 A Coruña
Programas relacionados
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible