Estrutura e composición da proposta para 2027:

• Presentación con animacións, que enmarca e expón paso a paso como se chega, a partir duns determinados elementos, á produción final que se mostra nas reproducións da obra de Escher.
• Parte expositiva: láminas que permiten admirar as obras mestras de Escher, as máis coñecidas e enigmáticas, que mostran a súa capacidade de xerar imaxes con impresionantes efectos de ilusións ópticas. Os mundos paralelos, a metamorfose espazo-tempo, a procura do infinito no plano, as construcións imposibles... iso, e máis, forma parte do universo de Escher.
• Talleres: en función das características do grupo, desenvólvense algúns dos seguintes talleres para implementar a parte expositiva:
  • Teselar con polígonos. Xogando co polidrón.
  • Crear e interpretar mosaicos: descifrando o código, xogando coa xeometría. Xogo da Alhambra, pavimentacións tipo Escher, de Penrose...
  • Tramas e ilusións ópticas.
  • Banda de Möebius.
  • Construción de caleidociclos. Arte en movemento.
  • Elaboración de caixas con mosaicos de Escher
• Actividades de lapis e papel que axudan a mirar "" a obra de arte e a relacionala coas matemáticas.
• A publicación Escher e Matemáticas. Diálogo entre ciencia e arte, en tanto que complemento da exposición, pretende contribuír a un maior aproveitamento e goce da obra de Escher. Será entregado un exemplar a cada grupo participante.