O programa "ESPÍAS NON TEMPO" propón aprender do pasado da cidade a través dos seus barrios. Ante a diversidade de barrios na cidade, posuidores cada un dunha identidade e tradicións propias, nace un programa para darselo a coñecer ao alumnado dos centros educativos que se distribúen en cada unha destas zonas.

Obxectivos xerais

• Dar a coñecer o patrimonio da cidade entre os escolares da cidade.
• Xerar un sentimento de pertenza local.
• Fomentar o papel educativo da cidade como un espazo xerador de experiencias e de memoria compartida.

Obxectivos especificos

• Investigar sobre as caracterésticas e peculiardiades da contorna próxima ao centro educativo a través da participación e o descubrimento.
• Potenciar a transmisión intergeneracional
• Promover o compromiso cara á protección do patrimonio

Calendario de actividades

Metodoloxía

• As sesións duran 90 minutos en total, cunha primeira parte de 40 minutos para a presentación e traballo na aula, e unha segunda parte de visita guiada pola contorna do centro, de 50 minutos.

Condicións do programa

• Necesidade da presenza do profesor/a de o grupo e do persoal de apoio no desenvolvemento da actividade.
• Disposición dun computador na aula e pantalla
• O programa ten establecido un número máximo de sesións. No caso de que a demanda fose maior que a oferta se procederá á adxudicación por rigorosa orde de inscrición.
• A actividade é gratuíta.

Recursos materiais

O programa conta con cadernos de actividades específicos para cada barrio, que serven de apoio para o desenvolvemento da actividade.

Recurso humanos

O persoal que desenvolve o programa está formado por especialistas da Federación de ANPAS de centros públicos.

Calendario

• Envío do calendario 5 de decembro
• Inicio de actividades: 22 de xaneiro