Destinos e prazas

60 prazas:

• Irlanda, 37 prazas
• Francia, 10 prazas
• Portugal, 10 prazas
• Alemaña ou Austria, 3 prazas

Requisitos

• Estar empadroado no concello da Coruña xunto co seu pai e/ou nai ou representante legal (exclusivamente nos casos en que a representación legal do menor non sexa ostentada polos pais).
• Estar a cursar, no réxime xeral, 1º de Bacharelato no curso 2021/2022, nun centro escolar da cidade da Coruña.
• Contar no curso 2020-2021 cunha cualificación media de 6,5 puntos en 4ª da ESO e non ter ningunha materia suspensa.
• Contar no curso 2020-21 cunha cualificación mínima de 7 puntos en 4º da ESO nas linguas estranxeiras para as que se solicite o programa (inglés, francés, portugués ou alemán). No caso de estar a cursar algún destes idiomas na Escola Oficial de Idiomas poderase alegar a cualificación obtida nela. Para o caso de portugués, de non estar a cursar esta materia, a cualificación para valorar será a correspondente á materia de lingua galega e literatura do curso 2020-21,
• Estar en posesión do documento nacional de identidade (en diante, DNI) ou número de identidade de estranxeiro (en diante, NIE) e o pasaporte. A data de caducidade dos documentos debe ser posterior á data de regreso da viaxe.
• As persoas que necesiten visado para realizar estadías no país para o que solicitan destino deberán dispoñer do mesmo polo menos 15 días antes do inicio da viaxe. A tramitación e obtención do visado é responsabilidade da persoa solicitante.

Documentación a presentar

A documentación que se relaciona a continuación ten que presentarase por rexistro, dentro do prazo sinalado no punto anterior, acompañada dunha instancia na que se solicite a participación no programa municipal.

• Fotocopia do DNI (carné de identidade, pasaporte...) do solicitante e dos pais ou representantes legais.
• Copia do resgardo da ficha de solicitude que se cubriu en liña (PDF enviado ao correo electrónico unha vez feita a inscrición). Importante: deberá estar asinada pola persoa solicitante e no caso de menores pola persoa que teña a patria potestade ou tutela.
• Certificado de empadroamento do solicitante no que figure co pai/nai ou representante legal. Non será necesario a presentación do documento cando se autorice ao Concello para a consulta dos datos no padrón municipal.
• Certificado das cualificaciones correspondentes a 4º da ESO do curso académico 2020-21. No caso de estar a cursar algún idioma na Escola Oficial de Idiomas, deberá achegarse certificado de nota ou titulación.
• Certificado emitido polo centro educativo de estar a cursar 1º de Bacharelato no que figure o nome da persoa solicitante, datos do centro e curso.
• Se for o caso, certificado expedido pola Xunta de Galicia ou organismo competente na materia acreditativo do grao de minusvalía do alumno/a.
• Se for o caso, documentación acreditativa da existencia de casos de violencia de xénero na unidade de convivencia, de conformidade co artigo 5 da Lei 11/2007, galega para a prevención e tratamento integral da violencia de xénero.
• No caso de non se autorizar na solicitude a consulta de datos tributarios, certificacións expedidas pola Axencia Estatal de Administración Tributaria (en diante AEAT) das declaracións de IRPF individuais de ambos os proxenitores ou conxunta, correspondentes ao exercicio 2020, emitidas e datadas no mes de xullo ou posterior de 2021.
• No suposto de familias monoparentais, achegarase acreditación documental das circunstancias familiares, tales como: título de familia monoparental, sentenza de divorcio e convenio regulador onde conste o relativo á custodia do/da menor, certificado de defunción (no caso de viuvez) e libro de familia ou documento análogo que acredite o estado civil dos membros da unidade de convivencia.
• Cando se teña acordada pensión de alimentos, ou exista dereito a ela, deberá achegarse a resolución xudicial máis recente que a estableza.