- Inicio
- Programas Educativos
- Detalle programa
IV Intercambio Escolar Eixo Atlántico 2024-25
Con este programa búscase facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares; especificamente, dar a coñecer a cidade da Coruña ao alumnado dun centro educativo dun municipio portugués por determinar por sorteo.
Os intercambios terán lugar durante 2 ou 3 días nos meses de abril ou maio de 2025.
Localización do centro:
Só da Coruña
Servizo municipal:
Educación
Tipo de actividade:
Outras
Titularidade do centro:
Público
A quen vai dirixido?:
Alumnado que curse 5º ou 6º de Educación Primaria durante o curso 2024/2025, pertencente a un centro público do municipio da Coruña.
anual
Prezo / Custo:
Gratuíto
Os concellos da Coruña e o portugúes faranse cargo de todos os gastos (desprazamentos, aloxamento e comidas, seguros de viaxe e de responsabilidade civil e acompañamento) e do apoio na organización de vistas e itinerarios polas súas respectivas cidades.
Obxecto:
O Eixo Atlántico é unha asociación transfronteiriza de Dereito Público, formada por Municipios e Entidades da Administración Local que integran o sistema urbano da Eurorrexión Galicia-Norte de Portugal, que inclúe ao Concello da Coruña.
No grupo de traballo de Educación e Cultura do mencionado Eixo, leva varios anos desenvolvendo o proxecto Intercambios Escolares, cos seguintes obxectivos:
• Promover entre os estudantes e docentes o coñecemento do seu municipio, dos municipios integrantes do Eixo Atlántico e do propio Eixo Atlántico, así como do seu patrimonio (cultural, natural, inmaterial).
• Facilitar o intercambio entre estudantes dos diversos municipios do Eixo Atlántico.
• Concienciar os estudantes da importancia de vivir nun municipio integrante do Eixo Atlántico e que conforman unha Eurorrexión.
• Promover a realización de experiencias didácticas que potencien o uso do municipio como recurso educador.
Os intercambios terán lugar durante 2 ou 3 días nos meses de abril ou maio de 2025, nas datas que se determinen por ambos os municipios, da cordo cos centros educativos participantes.
SERVIZOS
- Os desprazamentos de ida e volta A Coruña - ao municipio portugés, para o alumnado seleccionado da Coruña e 2 docentes acompañantes e un/unha técnico municipal.
- Aloxamento en Portugal do grupo seleccionado, en hotel ou albergue en réxime de pensión completa.
- O seguro de viaxe e de responsabilidade civil.
- O aloxamento hostaleiro en habitacións dobres con pensión completa do grupo visitante de Portugal na Coruña.
- Acompañamento dun/dunha monitor/a en as actividades na Coruña.
- Os desprazamentos pola cidade da Coruña do grupo seleccionado e aqueloutros gastos que se consideren necesarios para levar a cabo os obxectivos deste programa.
- Como novidade, o Concello da Coruña organizará unha ou dúas sesións de coñecemento da lingua portuguesa para o grupo seleccionado neste programa.
REQUISITOS
- Un grupo escolar formado por un máximo de 30 participantes (alumnado e 2 docentes), de 5º ou 6º de educación primaria dun centro público do Concello da Coruña.
- O grupo seleccionado será simultaneamente "grupo anfitrión" e "grupo visitante".
- Deberá inscribirse e presentar unha proposta de proxecto de actividades a desenvolver na Coruña con grupo visitante portugués, para darlles a coñecer a cidade.
- Estes proxectos poden incluír: a descrición do municipio, o patrimonio (cultural, natural e inmaterial), a súa cultura e costumes, as festas, os barrios, o noso centro educativo e o seu barrio, o porto, as infraestruturas, a economía e a sustentabilidad, as tecnoloxías, as oportunidades de lecer, como vemos a cidade no presente, proxectos futuros...; a condición de que se enmarquen dentro da problemática e realidade da nosa cidade. Así como a previsión de actividades na cidade e no centro educativo.
PRESENTACIÓN DA MEMORIA
Os grupos participantes deberán presentar unha Memoria, coas seguintes características:
- Orixinal e en lingua galega.
- Extensión máxima de 20 follas en letra Arial 11 por cara con interlineado simple.
- Unha folla inicial que incluirá: o nome e obxecto do proxecto, nome do centro educativo, nome do grupo ao que pertence o traballo (5º A, 6º C...), e o profesado responsable do mesmo.
- O proxecto poderá ir acompañado de vídeos, fotografías, planos, maquetas ou calquera outra explicación do proxecto nun arquivo adxunto á memoria principal.
- Excluiranse os proxectos que non cumpran cos requisitos esixidos
FORMA E PRESENTACIÓN DA MEMORIA
A Memoria presentarase a través do correo electrónico: educacion@coruna.gal, coa mención no asunto "IV Concurso Intercambio Escolar Eixo Atlántico ".
Cando:
Dende o 01/04/2025 ata o 30/05/2025
- Prazo de inscrición:a inscrición deberana realizar os centros educativos iniciarase en caunto determínese o municipio portugués de intercambio: previsiblemente durante o mes de xaneiro de 2025 (por confirmar), a través da ficha de inscrición.
- Data límite para presentala memoria coa proposta do proxecto de actividades a realizar na Coruña: ata o 14 de marzo de 2025.
Inscricións:
Dende o 16/09/2024 ata o 16/10/2024
A data de inicio da inscrición está por confirmar, en función da data do sorteo do destino.
As memorias presentaranse a través do correo electrónico: educacion@coruna.gal, coa mención no asunto "IV Concurso Intercambio Escolar Eixo Atlántico ".
Contacto:
Organiza:
Concellos da Coruña e Felgueiras (Portugal), coa colaboración do Eixo Atlántico .
Máis información:
As condicións do programa están recollidas nas bases reguladoras do Concurso IV Intercambio Escolar do Eixo Atlántico .
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible