- Inicio
- Programas Educativos
- Detalle programa
Natación escolar 2026-27
O Servizo Municipal de Deportes do Concello da Coruña oferta, para escolares dos centros educativos públicos da cidade, o programa de Natación Escolar 2026/2027, co fin de posibilitarlles aos e ás escolares da cidade unha aprendizaxe significativa no medio acuático e un avance das súas técnicas de natación.
Localización do centro:
Só da Coruña
Servizo municipal:
Deportes
Tipo de actividade:
Extraescolar
Titularidade do centro:
Público
A quen vai dirixido?:
Alumnado de 3.º e 4.º de EP de CEIP da cidade. Ofértanse un total de 415 prazas.
A actividade desenvolverase nas seguintes instalacións:
- Piscina Municipal de Santo Amaro
- Piscina do Complexo Deportivo San Diego
- Piscina Municipal de Riazor
A cada centro asignaráselle unha piscina municipal na que se desenvolverá a actividade (consultar distribución de centros e prazas ofertadas en https://www.coruna.gal/deportes/gl/actividades/natacion-escolar-outubro-a-maio/natacion-escolar-curso-2026-27?argIdioma=gl).
Horario:
O programa desenvólvese durante o curso escolar, en 1 sesión semanal dentro do horario extraescolar, das 16.30 ás 17.15 h ou das 17.15 ás 18.00 h
Prezo / Custo:
Matrícula e formalización da inscrición
A matrícula formalizarase no prazo establecido (do 21 ao 24 de setembro) en cada unha das instalacións municipais, mediante o pago da taxa correspondente segundo a ordenanza fiscal en vigor (55,07 euros).
O pago poderase efectuar en efectivo ou con tarxeta nas caixas de cada piscina municipal (Riazor, San Diego, Santo Amaro) de forma presencial e por orde de chegada, entregando a folla de inscrición debidamente cuberta.
Este pago inclúe o desenvolvemento da actividade de natación, o traslado en autobús dende o centro e cobertura sanitaria.
- Os colexios que acudan á Piscina Municipal de Riazor: inscrición e aboamento da cota nas oficinas de rexistro da CD Riazor (é necesario pedir cita previa no 010 de atención cidadá ou na seguinte ligazón: https://citaprevia.coruna.gal/citaprevia/?idcliente=3)
- Os colexios que acudan á Piscina Municipal de Santo Amaro: inscrición e aboamento da cota nas oficinas do Club do Mar de Santo Amaro.
- Os colexios que acudan á Piscina de San Diego: inscrición e aboamento da cota nas oficinas do Complexo Deportivo Municipal San Diego.
Documentación que debe acompañarse para a matrícula.
- Impreso de matrícula e carta de pago
No caso de non formalizar a inscrición no prazo establecido, entenderase que se renuncia á praza e adxudicaranse as prazas vacantes seguindo a listaxe de espera.
Obxecto:
- Favorecer o desenvolvemento integral do alumnado a través do medio acuático.
- Conseguir a familiarización e adaptación do alumnado ao medio acuático.
- Contribuír ao proceso de educación e integración do alumnado.
- Utilizar a auga como medio de recreo, co fin de xerar diversión e benestar a través do medio acuático e o movemento.
- Desenvolver aspectos físicos, psíquicos e de relación social do individuo, coa finalidade de mellorar a calidade de vida.
- Desenvolver as habilidades psicomotrices do alumnado, así como xerar hábitos de vida saudables a través do movemento e o exercicio físico.
- Crear hábitos correctos de hixiene diaria.
- Mellorar a condición física xeral do alumnado
Cando:
Dende o 01/10/2026 ata o 31/05/2027
Inscricións:
Dende o 08/09/2026 ata o 14/09/2026
As solicitudes presentaranse, entre o 8 e o 14 de setembro, a través dun formulario habilitado na web de Deportes www.coruna.gal/deportes
Datas para ter en conta
- Publicación da listaxe provisional de solicitantes (15 de setembro): publicarase unha listaxe provisional de solicitantes, na que se poderán revisar os datos persoais, e abrirase un prazo para corrixir erros.
- Corrección de erros (15 e 16 de setembro): abrirase un prazo para corrixir erros dende a publicación da listaxe provisional de solicitantes. As alegacións presentaranse por correo electrónico a través do enderezo programasdeportivos@coruna.gal
- Sorteo (17 de setembro, ás 09.00 h): no caso de que existan máis solicitudes que prazas, para establecer a orde de adxudicación de prazas, realizarase un sorteo público da letra que establecerá o corte para a adxudicación. A ligazón ao sorteo publicarase na páxina web www.coruna.gal/deportes. Para a asignación de prazas terase en conta a letra do primeiro e segundo apelido do/a alumno/a.
- Listaxe definitiva (17 de setembro ás 15.00 h): publicarase a listaxe de adxudicación de prazas e listaxe de espera se o houbese.
- Matrícula e formalización da inscrición (21 a 24 de setembro): formalizarase presencialmente en cada unha das piscinas municipais.
Contacto:
Organiza:
Servizo Municipal de Deportes
Máis información:
Máis información sobre prazas e normas en documentos anexos.
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible