Os centros, a través de equipos formados por tres alumnas/os, traballan na resolución de problemas matemáticos de maneira cooperativa.

O programa ten as seguintes fases:

• Fase de centro, que se realiza durante o mes de marzo no propio colexio. Poderanse realizar as inscricións nesta fase ata o día 1 de marzo, a través do formulario de inscrición de centros. Unha vez terminada esta fase, cada centro comunicará os nomes dos participantes que forman cada equipo (antes do 1 de abril de 2027), cubrindo a ficha do formulario de inscrición de equipos.
• Fases de zona na Coruña, Ferrol, Lugo, Ourense, Pontevedra, Santiago e Vigo. A fase da zona da Coruña realizarase no Fórum Metropolitano, en data por determinar do mes de abril de 2027.
• Final galega, en data por determinar no mes de maio, na Facultade de Ciencias da Educación da Universidade da Coruña.

Nas fases de zona e na final galega, o alumnado deberá levar o material que consideren necesario para a resolución das probas (bolígrafo, lapis, regra, calculadora etc.). Facilitaráselles papel DIN A4.

Tamén será imprescindible que en ambas as fases cada alumno/a se identifique co seu DNI ou, na súa falta, co certificado acreditativo correspondente do Centro Educativo.

Os centros que desexen participar na fase de centro, deberán inscribirse, a través do formulario de inscrición na web de Agapema (www.agapema.org), entre o 1 de decembro de 2026 e o 1 de marzo de 2027.

Seguidamente, para participar na fase de zona, os centros deberán formalizar, antes do 1 de abril de 2027, a súa inscrición en liña, indicando o número de equipos (un por clase, e cada un formado por 3 alumnos/as) que van intervir, así como o profesorado responsable, no formulario de inscrición na web de Agapema (www.agapema.org).

A comunicación cos participantes realizarase a través dos enderezos electrónicos que faciliten. É importante que proporcionen dos enderezos diferentes (a do profesor e a do centro) por se houber algún erro nalgunha delas.

Para calquera comunicación coa organización débese utilizar o correo electrónico rebumbio@agapema.org