Rutas que se ofertan

Ruta 2 e 3 anos. Parque de Santa Margarita: espertando os sentidos (parque de Santa Margarita - contorna Casa das Ciencias)

• Temática: Unha aproximación aos espazos verdes e recursos verdes da cidade a través dos elementos da natureza

• Competencias: Coñecemento e interacción co mundo físico. Lingüística

Ruta 4 anos. Historias de María Pita (Praza de María Pita )

• Temática: Un espazo histórico-cultural no que poder vivenciar e recrear o feito histórico da batalla de Mª Pita .
• Competencias: Social e cidadá. Lingüística

Ruta 5 anos. Umn museo ao aire libre (Xardíns Méndez Núñez - zona monumento Curros Enríquez)

• Temática: Unha zona dos xardíns de Méndez Núñez que permite profundar na arte de observar, de escoitar, de construír e de comparar.
• Competencias: Cultural e artística. Lingüística

Ruta 1º EP. Xardín de San Carlos: memorias dunha batalla (Xardín de San Carlos e Museo Histórico Militar)

• Temática: Un espazo singular no que conxugar natureza e historia a través dos elementos que compoñen o lugar.
• Competencias: Coñecemento e interacción co mundo físico. Social e cidadá. Lingüística

Ruta 2º EP. Tesouros de María Pita (Praza de María Pita )

• Temática: coñecer con máis detalle a praza de María Pita e os segredos que esconde unha das zonas máis emblemáticas da cidade.
• Competencias: Competencia social e cidadá. Competencia matemática. Lingüística

Condicións do programa

• Necesidade da presenza do persoal docente co grupo e do persoal de apoio no desenvolvemento da ruta.
• Nº máximo de acompañantes será dun titor/a por grupo-clase e un acompañante por cada escolar con NEE (se o centro considérao necesario)
• Os buses recollerán no centro aos escolares e ao profesorado media hora antes do inicio da ruta para ser trasladados ao lugar onde se realice o percorrido. Os educadores das rutas non irán nos buses, estarán a esperar no espazo onde se desenvolve a ruta.
• As rutas poderán anularse debido ás inclemencias do tempo. No caso de anulación, asignarase outra data de realización. No caso de non ser posible devolverase a cota.
• No caso de que a demanda de rutas exceda os máximos sinalados para cada unha delas, procederase á adxudicación por rigorosa orde de inscrición.

Calendario

• Envío do calendario provisional: 18 de febreiro (modificacións ata o 25 de febreiro inclusive).
• Envío do calendario definitivo: 10 de marzo.
• Inicio de actividade: luns 14 de marzo.

Entidades colaboradoras

Federación Provincial de Anpas de Centros Públicos

R/ Orzán, 21 | Tel. 981.202.002

15002 A Coruña

ocio@fedapascoruna.org