Descrición da actividade

A proposta consta de dúas actividades relacionadas, coas que o alumnado gozará creando o seu disfrace e realizando con el, polos pequenos comercios da cidade, unha ruta de truco "ou trato".

Talleres

• Os talleres levarán a cabo ao redor de mediados do mes de outubro, acordando o calendario con cada centro educativo.
• Dedicarase un mínimo de 3 horas en cada centro escolar e incluirá: unha charla sobre o significado e orixe do Samaín, taller para elaboración de disfraces e confección dun estandarte identificativo do centro escolar para utilizar o día do pasacalles.
• Cada taller será atendido, como mínimo, por 2 monitores/as.
• Todo o material dos disfraces, que estarán relacionados coa temática de Samaín e serán distintos para cada centro, será facilitado polo concello.

Pasacalles "truco ou trato"

• O pasacalles terá lugar entre o 20 e o 30 de outubro, nunha data acordada coa dirección e profesorado.
• Cada grupo estará integrado exclusivamente polo alumnado da aula participante na actividade. Buscarase a proximidade do centro escolar co barrio comercial e, de non ser posible, o concello asumirá os custos de transporte para o seu desprazamento.
• Os itinerarios e percorridos serán planificados de forma que poidan ser asumidos por nenos e nenas de idades comprendidas entre 6 e 12 anos.
• Proporcionarase a cada comercio que forme parte do itinerario do pasacalles castañas ou lambetadas para repartir entre o alumnado participante para facer "truco ou trato".

Premio

Cada un dos colexios participantes recibirá como premio pola súa participación un cheque-regalo de 300€ para material escolar, que deberá ser gastado nun establecemento da cidade (que se indicará posteriormente).