O servizo ofrecido é unificado, global e accesible, pensado e deseñado especialmente para a poboación co obxectivo de lle ofrecer información que permita superar o desfasamento e, por tanto, corrixa o descoñecemento que existe en como optimizar a incorporación á vida laboral.

Condicións do programa

O horario será por petición do centro de ensino. Será aprobado polo Servizo Municipal de Emprego segundo as necesidades horarias deste.

Tamén se pode solicitar realizar o seminario en liña en streeming, con conexión do alumnado desde os seus domicilios.

Cada seminario durará 2 horas.

Daráselles prioridade a aqueles seminarios que se organicen no primeiro trimestre do curso (ano 2020).

O número de alumnas/os será dun mínimo de 15 e un máximo de 25. O centro procurará que os grupos sexan o máis homoxéneos posibles e que se organicen preferentemente por especialidades. O centro educativo encargarase de:

• Xestionar as prescricións e confeccionar a listaxe definitiva de asistentes para llo remitir ao Servizo Municipal de Emprego.
• Garantir a presenza dunha profesora ou profesor durante a impartición do seminario.
• Publicitar entre o alumnado o seminario e mais o calendario previstos.
• Achegar a aula ou local con cadeiras e mesas para as persoas asistentes.
• Dispor durante o seminario, para uso do profesorado, de medios audiovisuais tales como retroproxector ou canón de vídeo e pantalla.