O servizo ofrecido é unificado, global e accesible, pensado e deseñado especialmente para a poboación obxectivo e ofrece a esta poboación, información que permita superar o desfasamento, e por tanto corrixa o descoñecemento existente en como optimizar a incorporación á vida laboral.

Condicións do programa

O horario será a petición do centro de ensino. Será aprobado polo Servizo Municipal de Emprego segundo as necesidades horarias do mesmo.

Tamén se pode solicitar realizar o seminario en liña en streaming, con conexión do alumnado desde os seus domicilios.

A duración de cada seminario será de 2 horas.

Darase prioridade a aqueles seminarios que se organicen no primeiro trimestre do curso (ano 2021)

O número de alumnos será dun mínimo de 15 e un máximo de 25. O centro procurará que os grupos sexan o máis homoxéneos posibles e organícense preferentemente por especialidades. O centro educativo encargarase de:

• Xestionar as prescricións e confeccionar a listaxe definitiva de asistentes para remitilo ao Servizo Municipal de Emprego.
• Presenza dun profesor/a durante o Seminario.
• Publicitar entre o alumnado o seminario e o calendario previsto.
• Achegar a aula ou local con cadeiras e mesas para os asistentes.
• Dispoñer durante o seminario, para uso do profesorado, de medios audiovisuais tales como retroproxector ou canón de vídeo e pantalla.