CONDICIÓNS DE INSCRICIÓN

• O 19 de xaneiro abrirase o prazo para que se poidan inscribir na oferta de primavera 2026. O 21 de xaneiro abrirase o prazo para centros de fóra do municipio.

• Agradecemos que cada grupo se inscriba nunha única obra de teatro durante o curso para que todos os centros teñan opción a inscribirse nalgunha das funcións.

• Prezo da entrada: 2,00 € por alumna/o para o alumnado de todos os niveis; e gratuíta para o profesorado acompañante.

• Cada grupo deberá estar acompañado, polo menos, por unha persoa responsable do centro.

• A programación de educación infantil está pensada para escolares a partir dos 4 anos.

• A capacidade máxima será de 300 espectadores/as (incluído o profesorado); ou o que estipule a lexislación sanitaria vixente en cada momento.

En función das características do espectáculo e do nivel dos/as escolares, pódese producir unha redución da capacidade da sala.

ADXUDICACIÓN:

• As prazas adxudicaranse automaticamente por rigorosa orde de petición.
• Se houbese máis demanda de prazas que oferta, abriríase unha lista de espera para cada función, co obxecto de cubrir posibles baixas de grupos ou centros.
• IMPORTANTE: a aplicación informática de inscrición emite un informe da súa inscrición. Comprobe se ten as prazas adxudicadas ou se se atopan en lista de espera.

RETIRADA E ABOAMENTO DAS ENTRADAS

1. As entradas deben ser retiradas e aboadas antes da data tope de aboamento indicada no calendario que se mostra no apartado de programación.

2. No caso de que non se faga o pagamento no prazo estipulado, adxudicaránselle as entradas a outro centro escolar que estea na listaxe de espera.

3. As entradas recolleranse no Fórum Metropolitano, con cita previa (chamando ao teléfono 981 184 297). O pago poderase realizar en efectivo ou con tarxeta

4. No momento de aboar as entradas, poderase reducir o número de reservas ou aumentalas, se quedan prazas vacantes.

5. Permitiranse un máximo dun 10% de devolucións (sobre a reserva feita polo centro nun primeiro momento), coa condición de que non excedan de 10 entradas por función e centro. O importe será devolto ao termo da función, no Fórum. No caso de que fosen aboadas con tarxeta de crédito haberá que presentala.

6. A factura seralle enviada ao centro escolar unha vez realizada a función.

PAUTAS QUE HAI QUE SEGUIR NO FÓRUM PARA QUE O ESPECTÁCULO SEXA UN ÉXITO

1) Vimos todos/as a divertirnos e a gozar do teatro, sen esquecer respectar sempre o traballo das persoas que están no escenario e na sala. Debemos seguir as instrucións do persoal de sala en todo momento e actuar con responsabilidade.

2) A hora destacada na entrada é a hora de inicio da función polo que os grupos deberían estar en Fórum polo menos 10 ou 15 minutos antes do inicio da dita función.

3) Agradécese puntualidade.

4) Agradécese que a entrada e saída do edificio se fagan en orde e no maior silencio posible, para lles evitar molestias ás persoas usuarias e traballadoras do Fórum.

5) Todas as persoas que asistan ao espectáculo accederán ao auditorio portando cada unha a súa entrada.

6) Unha vez que comece o espectáculo, non se permitirá o acceso ao auditorio.

7) Por seguridade, hai que deixar libres os corredores e as portas de emerxencia do auditorio.

8) Non está permitido sacar fotos nin gravar durante a función. Se queren unha foto de grupo, poderán sacala ao termo da función, despois do previo aviso á xefa de sala.

9) Non está permitido comer nin beber no auditorio.

PROGRAMACIÓN

Lugar: todos os espectáculos serán no Fórum Metropolitano.

TEATRO PARA EDUCACIÓN INFANTIL (5 anos) E EDUCACIÓN PRIMARIA

Espectáculo	Compañía	Nivel educativo	Datas	Horario	Duración	Data tope de aboamento	Capacidade
Pum!, pum! Quen hai?	Ártika (Galicia)	2.º e 3.º ciclo de EP	13 de febreiro de 2026	10.00 e 12.00 h	50 min	6 de febreiro de 2026	290
Carnaval animal	Arlequina (Asturias)	EI (5 anos) - 1.º ciclo EP	27 de febreiro de 2026	10.00 e 12.00 h	45 min	20 de febreiro de 2026	100 EI 150 EP
Berenguela na gaiola	Galeatro e Xarope Tulú (Galicia)	2.º e 3.º ciclo EP	27 de marzo de 2026	10.00 e 12.00 h	50 min	20 de marzo de 2026	290
Teatro de papel	Rauxa Cía (Cataluña)	EI (5 anos) - 1.º ciclo EP	24 de abril de 2026	10.00 e 12.00 h	45 min	17 de abril de 2026	100 EI 150 EP
As palabras perdidas	Inventi Teatro (Galicia)	EI (5 anos) - 1.º ciclo EP	15 de maio de 2026	10.00 e 12.00 h	45 min	8 de maio de 2026	100 EI 150 EP
Mr. Bo	Marie de Jongh (País Vasco)	2.º e 3.º ciclo EP	29 de maio de 2026	10.00 e 12.00 h	50 min	22 de maio de 2026	290

TEATRO PARA EDUCACIÓN SECUNDARIA - BACHARELATO

Espectáculo	Compañía	Nivel educativo	Datas	Horario	Duración	Data tope de pago	Capacidade
Historias á deriva	Dani Branco (Galicia)	ESO - Bach	16 de abril de 2026	11.30 h	50 min	10 de abril de 2026	290
Mulleres de pedra	María dá Pontragha (Galicia)	ESO - Bach	17 de abril de 2026	11.30 h	60 min	10 de abril de 2026	290
Menina, soy una puta obra de Velázquez	Somos Proyecto Cultura (Estremadura)	2.º ciclo ESO - Bach	8 de maio de 2026	11.30 h	55 min	30 de abril de 2026	290
Made in Galicia	Sarabela Teatro (Galicia)	ESO - Bach	22 de maio de 2026	11.30 h	60 min	15 de maio de 2026	290