CONDICIÓNS DE INSCRICIÓN

• Agradecemos que cada grupo se inscriba nunha única obra de teatro durante o curso para que todos os centros teñan opción de inscribirse nalgunha das funcións.
• Prezo da entrada: 2,00 € por alumna/o para o alumnado de todos os niveis; e gratuíta para o profesorado acompañante.
• Cada grupo deberá estar acompañado, polo menos, por unha persoa responsable do centro.
• A programación de educación infantil está pensada para escolares a partir de 4 anos.
• A capacidade máxima será de 300 espectadores/as (incluído o profesorado) no Fórum e de 325 no Ágora; ou o que estipule a lexislación sanitaria vixente en cada momento.
• En función das características do espectáculo e do nivel dos/as escolares, pódese producir unha redución de capacidade da sala.

ADXUDICACIÓN

• As prazas adxudicaranse AUTOMATICAMENTE POR RIGOROSA ORDE DE PETICIÓN. Posteriormente, serán confirmadas por correo electrónico, con aviso dos prazos para o aboamento de entradas.
• Os centros escolares que se apunten aos espectáculos mediante a prereserva na páxina de Coruña Educa deberán aboar o seu custo no prazo establecido na páxina de Coruña Educa. Ademais comunicaráselles por correo electrónico. De non facerse efectiva a reserva en firme mediante o pago do importe correspondente ás entradas do alumnado asistente ao espectáculo no prazo establecido, perderán o dereito á asistencia e correrá a listaxe de agarda.
• Se houber máis demanda de prazas que oferta, abriríase unha listaxe de agarda para cada función, co obxecto de cubrir posibles baixas de grupos ou centros.

IMPORTANTE: a aplicación informática de inscrición emite un informe da súa inscrición. COMPROBE SE TEN AS PRAZAS ADXUDICADAS OU SE ESTÁN NA LISTAXE DE AGARDA.

RETIRADA E ABOAMENTO DAS ENTRADAS

1. As entradas deben retirarse e aboarse no prazo que consta no calendario que aparece a continuación.
2. No caso de que non se faga o pago no prazo estipulado, adxudicaránselle as entradas a outro centro escolar que estea na listaxe de agarda.
3. As entradas recolleranse no Fórum Metropolitano, con cita previa (chamando ao teléfono 981 184 297). O pago poderá realizarse en efectivo ou con tarxeta.
4. No momento de aboar as entradas, poderase reducir o número de reservas ou aumentalas se quedan prazas vacantes.
5. Permitiranse un máximo dun 10% de devolucións (sobre a reserva feita polo centro nun primeiro momento), coa condición de que non excedan de 10 entradas por función e centro. O importe devolverase ao termo da función, no Fórum. No caso de que fosen aboadas con tarxeta de crédito haberá que presentala.
6. A factura enviaráselle ao centro escolar unha vez realizada a función.

PAUTAS QUE HAI QUE SEGUIR NO FÓRUM PARA QUE O ESPECTÁCULO SEXA UN ÉXITO

1. Vimos todos/as a divertirnos e a gozar do teatro, sen esquecer respectar sempre o traballo das persoas que están no escenario e na sala. Debemos seguir as instrucións do persoal de sala en todo momento e actuar con responsabilidade.
2. A hora destacada na entrada é a hora de inicio da función.
3. Agradécese puntualidade. É aconsellable chegar ao Fórum con 10 ou 15 minutos de antelación.
4. Agradécese que a entrada e saída do edificio se fagan en orde e no maior silencio posible, para evitarlles molestias ás persoas usuarias e traballadoras do Fórum.
5. Todas as persoas que asistan ao espectáculo accederán ao auditorio portando cada unha a súa entrada.
6. Unha vez que comece o espectáculo, non se permitirá o acceso ao auditorio.
7. Por seguridade, hai que deixar libres os corredores e as portas de emerxencia do auditorio.
8. Non está permitido sacar fotos nin gravar durante a función. Se queren unha foto de grupo, poderán sacala ao termo da función, logo do previo aviso á xefa de sala.
9. Non está permitido comer nin beber no auditorio.

PROGRAMACIÓN

Lugar: todos os espectáculos serán no Fórum Metropolitano, excepto o espectáculo "Alta costura", que será no Ágora.

PROGRAMACIÓN OUTONO 2026:

Teatro para educación infantil (a partir de 4 anos) e educación primaria

Espectáculo	Compañía	Nivel educativo	Datas	Horario	Duración	Data tope de aboamento	Capacidade
AS PITAS BAIXO A CHOIVA	Ghazafelhos (Galicia)	Infantil a partir de 4 anos / 1.º-2.º-3.º-4.º curso	16 de outubro de 2026	10.00 e 12.00 h	50 min	28 de setembro de  2026	100 prazas para infantil 150 prazas para 1.º-2.º-3.º-4.º curso
BACKSTAGE	Negro López (Galicia)	1.º-2.º-3.º-4.º-5.º-6.º curso	23 de outubro de  2026	10.00 e 12.00 h	50 min	7 de outubro de 2026	290
INVERNO NA LAVANDERÍA	K'Paparota Teatro (Galicia)	Infantil a partir de 4 anos / 1º-2º curso	13 de novembro de 2026	10.00 e 12.00 h	45 min	26 de outubro de 2026	100 prazas para infantil 150 prazas para 1.º-2.º-curso
COA CABEZA NAS NUBES	Cía Söa (Galicia)	1.º-2.º-3.º-4.º-5.º-6.º curso	4 de decembro de 2026	10.00 e 12.00 h	45 min	16 de novembro de  2026	290

AVANCE DA PROGRAMACIÓN DE PRIMAVERA 2027:

Teatro para educación infantil (a partir de 4 anos) e educación primaria

Espectáculo	Compañía	Nivel educativo	Datas	Horario	Duración	Data tope de aboamento
LA ISLA DEL TESORO	Inhabitans (Cataluña)	3.º-4.º-5.º-6.º curso	19 de febreiro de 2027	10.00 e 12.00 h	60 min	19 de febreiro de 2027
TACHÁN	Inventi Teatro (Galicia)	Infantil a partir de 4 anos / 1.º-2.º curso	12 de marzo de 2026	10.00 e 12.00 h	50 min	26 de febreiro de 2027
SCROOGE Y LOS FANTASMAS	Khea Ziater (País Vasco)	1.º-2.º-3.º-4.º-5.º-6.º curso	2 de abril de 2026	10.00 e 12.00 h	60 min	18 de marzo de 2027
FALA, FALA, FALANGUEIRA	Matrioshka Teatro (Galicia)	2.º-3.º-4.º-5.º-6.º curso	13 de maio de 2026	10.00 e 12.00 h	50 min	27 de abril de 2027
MOKO	Teatro Gorakada (País Vasco)	2.º-3.º-4.º-5.º-6.º curso	27 de maio de 2027	10.00 e 12.00 h	55 min	12 de maio de 2027

Teatro para educación secundaria e bacharelato

Espectáculo	Compañía	Nivel educativo	Datas	Horario	Duración	Data tope de aboamento
ALTA COSTURA (Centro Ágora)	Elefante Elegante (Galicia)	ESO - Bach	12 de marzo de 2027	11.30 h	70 min	26 de febreiro de 2027
CARTOGRAFÍA DUN NAUFRAXIO	Mariña Lestón (Galicia)	ESO - Bach	14 de maio de 2027	11.30 h	50 min	27 de abril de 2027