Persoas compoñentes de cada equipo

Entre 3 e 6 nenos e nenas, acompañados dunha persoa adulta responsable.

As partidas xogaranas un máximo de 4 xogadores/as á vez por cada equipo e terán que se pór de acordo para realizar os movementos. Trátase dun xogo colaborativo.

Método de xogo

Todas as partidas se disputarán polo sistema de "rápidas", é dicir, cunha duración máxima de 30 minutos. Cada equipo terá un máximo de 10 minutos + 3 segundos de incremento por movemento.

Os cuartos, a semifinal e a final xogaranse polo sistema Armagedón: 11 + 3 brancas e 9 + 3 negras.

O tempo será controlado por un reloxo situado nunha mesa á beira de cada taboleiro, que será accionado pola xogadora ou xogador que realizará o movemento.

Se un equipo esgota o tempo antes do final da partida, terá perdida a partida.

Aínda que se disporá de árbitros, o control das partidas farase de forma consensuada polas persoas responsables de cada equipo, facilitando o fair play.

Cada xogada acordarase entre os/as 4 xogadores/as de cada equipo, sendo e só será exectuada por un/unha de forma alternativa. É dicir, cada xogada será realizada por unha xogradora ou xogador distinto, que irá rotando.

Peza tocada, peza movida

Os/as xogadores/as deberán permanecer fóra do taboleiro ata que realicen os movementos da peza; só se permitirá a entrada no taboleiro do/a xogador/a que vaia mover a peza.

Os/as nenos/as xogan sos, de tal forma que as persoas acompañantes non poden intervir no xogo.

O/a árbitro/a ten a obriga de informar as persoas participantes sobre o regulamento do xogo cando se lle pregunte.

Nas fase previa, só se permiten 3 xogadas ilegais completadas. O equipo que realice unha cuarta xogada ilegal completada perderá a partida.

Na fase final, as xogadas ilegais completadas redúcense a 2. Perderase a partida á terceira xogada ilegal.

O comezo e final de cada partida comunicarase por megafonía cun sinal acústico e irase informando do tempo restante polo mesmo medio.

A cor das pezas sortearase ao principio da partida.

A vitoria outorga 4 puntos, as táboas 2 puntos e a derrota 1 punto.

No caso de empate, resolverase polo resultado do enfrontamento directo entre os 2 equipos. Se fose de táboas, resolverase a favor da xogadora ou xogador que xogou con pezas negras.

No caso de triplo empate, actuarase igual. No caso de que persista, realizarase un torneo lóstrego, con partidas de 5 minutos.

Fases do xogo

1.ª Liga previa de equipos: todos os equipos

2.ª Cuartos de final: 8 equipos

3.ª Semifinal: 4 equipos

4.ª Final: 2 equipos

A única partida que se xogará sobre o MegXadrez (xadrez xigante) é a final, que é a única na que só xogarán 2 equipos.

Esta fase xogarase mediante o sistema Armagedón, no que as brancas están obrigadas a gañar, pero con 2 minutos máis de tempo que as negras. É dicir, pasamos de 10+3 (tempo da fase clasificatoria) a 12+3 para as pezas brancas. No caso de empate, a vitoria sería para as pezas negras.

Agasallos

Cada participante recibirá de agasallo, por participar no xogo, un kit de benvida e algunha sorpresa máis.

Os 4 equipos finalistas recibirán unha medalla para cada participante e un trofeo para todo o equipo.