Persoas compoñentes de cada equipo

Entre 3 e 6 nenos e nenas, acompañados dun adulto responsable.

As partidas serán xogadas por un máximo de 4 xogadores/as á vez por cada equipo e terán que poñerse de acordo para realizar os movementos. Trátase dun xogo colaborativo.

Método de xogo

Todas as partidas disputaranse polo sistema de rápidas "". É dicir, cunha duración máxima de 30 minutos, tendo cada equipo un máximo de 10 minutos + 3 segundos de incremento por movemento.

Os cuartos, a semifinal e a final xogaranse polo sistema Armagedón: 11 + 3 brancas e 9 + 3 negras.

O tempo será controlado por un reloxo situado nunha mesa á beira de cada taboleiro, que será accionado polo xogador/a que realizará o movemento.

Se un equipo esgota o tempo antes do final da partida, terá perdida a partida.

Aínda que se dispoñerá de árbitros, o control das partidas farase de forma consensuada polas persoas responsables de cada equipo, facilitando o fair play.

Cada xogada será acordada entre os/as 4 xogadores/as de cada equipo, sendo executada soamente por un/a de forma alternativa. É dicir, cada xogada será realizada por un xogador/a distinto que irá rotando.

Peza tocada, peza movida

Os/as xogadores/as deberán permanecer fose do taboleiro ata que realicen os movementos da peza, permitíndose soamente a entrada no taboleiro do/a xogador/a que vaia a mover a peza.

Os/as nenos/as xogan sós/as, de tal forma que as acodes acompañantes non poden intervir no xogo.

O/a árbitro ten a obrigación de informar as persoas participantes sobre o regulamento do xogo cando sexa preguntado/a.

Nas fase previa soamente permítense 3 xogadas ilegais completadas. O equipo que realice unha cuarta xogada ilegal completada perderá a partida.

Na fase final, as xogadas ilegais completadas redúcese a 2, perdendo a partida á terceira xogada ilegal.

O comezo e final de cada partida comunicarase por megafonía cun sinal acústico, e irase informando do tempo restante polo mesmo medio.

A cor das pezas sortearase ao principio da partida.

A vitoria outorga 4 puntos. As táboas 2 puntos e a derrota 1 punto.

No caso de empate, resolverase polo resultado do enfrontamento directo entre os 2 equipos. Se fose de táboas, resolverase a favor do que xogou con pezas negras.

No caso de triplo empate actuarase igual. No caso de que persista, realizarase un torneo lóstrego con partidas de 5 minutos.

Fases do xogo

1º - Liga previa de equipos: todos os equipos.

2° - Cuartos de final: 8 Equipos

3º - Semifinal: 4 Equipos

4º - Final: 2 Equipos

A única partida que se xogará sobre o MegXadrez (xadrez xigante) é a final, que é a única na que soamente xogarán 2 equipos.

Esta fase xogarase mediante o sistema Armagedón no que as brancas están obrigadas a gañar, pero con 2 minutos máis de tempo que as negras. É dicir, pasamos de 10+3 (tempo da fase clasificatoria) a 12+3 para as pezas brancas. No caso de empate, a vitoria sería para as pezas negras.

Agasallos

Cada participante recibirá de agasallo, por participar no xogo, un kit de benvida e algunha sorpresa máis.

Os 4 equipos finalistas recibirán unha medalla para cada participante e un trofeo para todo o equipo.