As cidades e a contorna urbana son ecosistemas nos que conviven especies de flora e fauna que se adaptaron a un novo ambiente. Nun medio tan transformado, no que dominan o asfalto e o cemento, estes habitantes atopan lugares e formas para cubrir as súas necesidades vitais. Unha cidade como A Coruña ofrece moitas posibilidades neste sentido: unha longa liña de costa, parques e xardíns de diferente configuración e superficie son os seus principais elementos. É vital que a cidadanía comprendamos e valoremos a importancia do mantemento destes lugares pola súa biodiversidade e contribución á calidade ambiental.

ESTRUTURA

• Charla interactiva de 60 minutos
• Taller de 60 minutos
• Saídas, conclusións e reflexión de 90 minutos

Como consecuencia da pandemia Covid son posibles reformulacións de acordo co equipo directivo de cada colexio, en atención ás características concretas de cada centro ou dos espazos abertos, xardíns públicos etc. que poidamos visitar na saída educativa.

Áreas de interese:

• "Ciencias da natureza", "Ciencias sociais" e "Valores sociais e cívicos" en EP
• "Ciencias aplicadas á actividade profesional", "Bioloxía e xeoloxía" en ESO
• "Bioloxía" en BACH