- Inicio
- Programas Educativos
- Detalle programa
VI Intercambio Escolar Eixo Atlántico 2026-27
O programa Intercambio Escolar Eixo Atlántico busca facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares.
Os intercambios escolares terán lugar durante 3 días nos meses de abril e/ou maio de 2027.
Localización do centro:
Só da Coruña
Servizo municipal:
Educación
Tipo de actividade:
Outras
Titularidade do centro:
Público
A quen vai dirixido?:
Alumnado que curse 5º ou 6º de Educación Primaria durante o curso 2026/2027, pertencente a un centro público do municipio da Coruña.
Un grupo escolar formado por un máximo de 30 participantes (entre o alumnado e 2 docentes).
Prezo / Custo:
Gratuíto
Os concellos da Coruña e Portugal faranse cargo de todos os gastos (desprazamentos, aloxamento e comidas, seguros de viaxe e de responsabilidade civil e acompañamento) e do apoio na organización de vistas e itinerarios polas súas respectivas cidades.
Obxecto:
O Eixo Atlántico é unha asociación transfronteiriza de Dereito Público, formada por Municipios e Entidades da Administración Local que integran o sistema urbano da Eurorrexión Galicia - Norte de Portugal, que inclúe ao Concello da Coruña.
O grupo de traballo de Educación e Cultura do mencionado Eixo leva varios anos desenvolvendo o proxecto Intercambios Escolares, cos seguintes obxectivos:
- Promover entre os estudantes e docentes o coñecemento do seu municipio, dos municipios integrantes do Eixo Atlántico e do propio Eixo Atlántico, así como do seu patrimonio (cultural, natural, inmaterial).
- Facilitar o intercambio entre estudantes dos diversos municipios do Eixo Atlántico .
- Concienciar os estudantes da importancia de vivir nun municipio integrante do Eixo Atlántico e que conforman unha Eurorrexión.
- Promover a realización de experiencias didácticas que potencien o uso do municipio como recurso educador.
Os intercambios terán lugar durante 3 días nos meses de abril e maio de 2027, nas datas que se determinen por ambos os municipios, de acordo cos centros educativos participantes.
No sorteo, que se realizará entre o 1 e o 11 de decembro, darase a coñecer o emparellamento coa Cámara municipal dunha cidade portuguesa.
Pola súa banda, ao longo do mes de marzo de 2027 coñecerase o centro da Coruña seleccionado para participar no programa, tras a reunión da comisión de valoración .
SERVIZOS
- Os desprazamentos de ida e volta A Coruña - Portugal, para o alumnado seleccionado da Coruña, 2 docentes acompañantes e un/unha técnica municipal.
- Aloxamento en Portugal do grupo seleccionado, en hotel ou albergue, en réxime de pensión completa.
- O seguro de viaxe e de responsabilidade civil.
- O aloxamento hostaleiro en cuartos dobres e triplos con pensión completa do grupo visitante de Portugal na Coruña.
- Acompañamento dun/unha monitor/a nas actividades na Coruña.
- Os desprazamentos pola cidade da Coruña do grupo seleccionado e aqueloutros gastos que se consideren necesarios para levar a cabo os obxectivos deste programa.
- Tres sesións de coñecemento da lingua portuguesa para o grupo seleccionado neste programa.
REQUISITOS
- Un grupo escolar formado por un máximo de 30 participantes (alumnado e 2 docentes), de 5º ou 6º de Educación Primaria dun centro público do Concello da Coruña.
- O grupo seleccionado será simultaneamente "grupo anfitrión" e "grupo visitante".
- Deberá inscribirse e presentar unha proposta de proxecto de actividades a desenvolver na Coruña co grupo visitante portugués, para darlles a coñecer a cidade.
- Estes proxectos deben incluír aspectos que promovan o coñecemento da cidade da Coruña e do grupo escolar da Coruña ao grupo escolar portugués visitante e, especialmente, actividades na cidade e no centro educativo.
PRESENTACIÓN DA MEMORIA
Os grupos participantes deberán presentar unha Memoria, coas seguintes características:
- Orixinal e en lingua galega.
- Extensión máxima de 20 follas en letra Arial 11 por cara, con interlineado simple.
- Unha folla inicial que incluirá: o nome e obxecto do proxecto, nome do centro educativo, nome do grupo ao que pertence o traballo (5º A, 6º C...), e o profesado responsable do mesmo.
- O proxecto poderá ir acompañado de vídeos, fotografías, planos, maquetas ou calquera outra explicación do proxecto nun arquivo inserido na memoria principal.
- Excluiranse os proxectos que non cumpran cos requisitos esixidos.
A Memoria presentarase a través do correo electrónico: educacion@coruna.gal, coa mención no asunto "VI Concurso Intercambio Escolar Eixo Atlántico ".
Cando:
Dende o 11/01/2027 ata o 14/05/2027
- Recepción do grupo portugués na Coruña: abril de 2027 (por confirmar).
- Viaxe do grupo da Coruña a Portugal: maio de 2027 (por confimar).
Inscricións:
Dende o 11/01/2027 ata o 29/01/2027
- Prazo de inscrición: a inscrición deben realizala os centros educativos, do 11 ao 29 xaneiro de 2027, a través da ficha de inscrición.
- Data límite para presentar a memoria coa proposta do proxecto de actividades a realizar na Coruña: ata o 26 de febreiro de 2027.
As memorias presentaranse a través do correo electrónico: educacion@coruna.gal, coa mención no asunto "VI Concurso Intercambio Escolar Eixo Atlántico".
Contacto:
Requisitos:
As condicións do programa estarán recollidas nas bases reguladoras do Concurso VI Intercambio Escolar do Eixo Atlántico 2026/2027, que se publicarán proximamente.
Organiza:
Concellos da Coruña e outro do norte de Portugal, coa colaboración do Eixo Atlántico .
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible