As persoas inscritas poderán solicitar os Obradoiros de introdución á interpretación de monólogos cómicos, co obxecto de axudarlles a revisar os seus textos e mellorar a súa interpretación cómica.

Inscrición: do 25 de xaneiro ao 17 de febreiro na ficha de solicitude. O custo é gratuíto.

Condicións do programa

Os monólogos tratarán temas de actualidade, establécense tres categorías diferentes:

• Categoría A: alumnado de 1º e 2º curso da ESO
• Categoría B: alumnado de 3º e 4º curso da ESO
• Categoría C: alumnado de BACH e ciclos formativos de FP.

Cada centro docente poderá presentar o alumnado participante de maneira individual ou en grupos.

Cada alumno/a que se presente individualmente representará un monólogo.

Cada grupo estará integrado por un máximo de tres alumnos/as e representará un só monólogo.

Estableceranse premios por categorías.

O Servizo Municipal de Educación publicará con antelación as condicións e prazos para presentar os textos dos monólogos.