PRESENTACIÓN DAS UNIVERSIDADES DE GALICIA: UDC, USC, UVIGO

Dado que este curso non podemos desenvolver as XOUP no Centro Universitario de Riazor (CUR), optamos por difundir a información facilitada polas Universidades en relación coa presentación dos seus estudos de grao.

UNIVERSIDADE DA CORUÑA:

• Campaña de Divulgación Científica e Técnica, na que o profesorado da UDC imparte máis de 80 clases divulgativas ao alumnado de Bacharelato e Ciclos Formativos de Grao Superior, tanto presencialmente desprazándose aos Centros como virtulamente, cunha ampla oferta de charlas variada e atractiva.
• UNIferia2021. Do 22 ao 24 de febreiro estase celebrou a 3ª edición da Feira Virtual das Universidades españolas UNIferia2021 e a UDC mostrou a súa oferta académica e vida universitaria.
• Xornada de Puertas Abertas Virtuais, que se realizará en abril. Haberá charlas de todas as titulacións de grao que se imparten na UDC, vídeos dos centros universitarios, valoracións de alumnado, vida universitaria e atención a visitantes/futuros-as alumnos-as. Mentres tanto podes acceder á web Futuros Estudantes https://www.udc.es/es/futuros_estudantes/ onde se atopa toda a información relacionada con TITULACIÓNS - ACCESO - ADMISIÓN - MATRÍCULA - VIDA UNIVERSITARIA
• O xoves 8 de abril de 10:00h a 14:00h e de 16:00h a 20:00h a través de Teams, celebrarase unha XORNADA VIRTUAL DE PUERTAS ABERTAS: https://www.udc.es/gl/futuros_estudantes/portas_abertas/ para dar a coñecer ao Futuro Estudante a ampla oferta de titulacións e Graos e a Vida Universitaria. Haberá charlas en vivo, unha por cada Rama e Coñecemento, seguindo o esquema: Perfil de ingreso, por que estudar este Grao na UDC, Contido da titulación, saídas profesionais e correo electrónico de contacto ao final da presentación para posteriores consultas sobre a/s titulación/é. Poderanse facer consultas aos relatores e as charlas serán gravadas, quedando a disposición na web de Futuros Estudantes para ser consultadas libremente. Ademais, haberá charlas informativas sobre ABAU e PREINSCRICIÓN en horario de mañá e tarde e un PUNTO DE INFORMACIÓN atendido por persoal do Servizo de Estudantes durante toda a Xornada. Poñerase a disposición dos visitantes vídeos dos Centros Universitarios, vídeos do alumnado e vídeos relacionados coa vida universitaria: residencias públicas, cultura, deportes, cooperación e voluntariado, medio ambiente, UDC Saudable, participación, emprego, atención á diversidade, Centro de Linguas, ORI... Para facer a Jornada máis dinámica, haberá variedade de RETOS E TALLERES. As persoas gañadoras serán premiadas con sudaderas, camisetas e bolsas da UDC.

UNIVERSIDADE DE SANTIAGO DE COMPOSTELA:

• Portal web orientado aos estudante de Ensino Medio. Haberá xornadas virtuais do 23 ao 26 de marzo.

UNIVERSIDADE DE VIGO:

• Buscador de Graos UVigo
• Charlas científico divulgativas dirixidas a alumnado de ciclos superiores de FP, Bacharelato e 4º de ESO
• Charlas Informativas por ámbitos de coñecemento dun determinado grao

Oferta académica:

• Universidade da Coruña
• Universidade de Santiago
• Universidade de Vigo

PRESENTACIÓN DOS CICLOS DE FORMACIÓN PROFESIONAL (13, 14 E 15 DE ABRIL)

Unha vez consultados os centros que participaron nas Xornadas de Orientación durante as últimas edicións, elaboramos un calendario de presentación dos ciclos que impartenen a actualidade. Resaltar a boa acollida de todos os centros en relación con esta iniciativa e indicar que os que non participan é por motivos organizativos que lles impiden adaptarse a esta proposta neste momento concreto.

O modelo deste curso baséase na presentación mediante videoconferencia dos ciclosformativos. As persoas interesadas en participar terán que facer unha solicitude de inscrición e a posteriori remitirémoslles unha ligazón para acceder á conexión.

O Centro Municipal de Información Xuvenil (CMIX) colaborará atendendo as consultas realizadas polas persoas inscritas, a través do correo cmix@coruna.es ou mediante o WhatsApp 606 362 366.

DESCRICIÓN DAS SESIÓNS, CONDICIÓNS DE PARTICIPACIÓN E CALENDARIO

O persoal docente de cada centro presentará os ciclos ofertados. As sesións durarán entre 60 e 90 minutos, incluíndo un período para facer preguntas.

• Persoas destinatarias: estudantes de bacharelato, 4º de ESO e da ESA, con prioridade para os matriculados en centros da cidade. Tamén poderán inscribirse outras persoas interesadas como docentes ou proxenitores.
  • Nos casos de existir moita demanda de prazas, e se houbese que limitar o acceso a algunha das sesións, os criterios para aplicar para outorgar as prazas, por orde de prioridade seran: alumnado de bacharelato, alumnado de 4º de ESO, da ESA, profesionais de centros e proxenitores.
• Inscrición: do 23 de marzo ao 4 de abril.
  • Este ano a inscrición faia directamente a persoa interesada en acudir á charla. Os datos requiridos son: nome, DNI, centro de procedencia e nivel que se está a cursar, número de teléfono e un correo electrónico para poder enviarlle a ligazón á sesión.
• Envío da ligazón para conectarse: do 6 ao 9 de abril as persoas que se inscribiron recibirán, no correo electrónico facilitado na ficha, a ligazón de conexión á videoconferencia. Na súa maioría faranse por Webex ou Teams.
• Presentación dos ciclos polos centros. Os días 13, 14 e 15 de abril presentamos os ciclos medios e superiores de Formación Profesional segundo o seguinte programa:

PROGRAMA DE PRESENTACIÓN DOS CICLOS DE FORMACIÓN PROFESIONAL

Nota: no caso das visitas presenciais ao IES Urbano Lugrís, as persoas solicitantes, para acceder ao centro, deberán de presentar o xustificante da solicitude de inscrición xunto co seu DNI.