Condicións do programa

As representacións teatrais da Mostra deberanse axustar, como mínimo e máximo, á seguinte duración:

• Educación infantil: entre 10 e 20 minutos.
• Educación primaria: entre 15 e 30 minutos.
• Educación secundaria: entre 30 e 60 minutos.

Cada grupo representará a súa obra no seu centro e noutros dous da mesma etapa educativa.

O centro que recibe deberá garantir:

• A presenza dunha persoa responsable do centro durante a representación
• A atención aos actores e actrices
• O acondicionamento do espazo
• A asistencia de alumnado de idades similares
• A convivencia entre os membros dos grupos

Axuda económica

O programa contempla unha axuda económica de ata 300 € por grupo para gastos xerados pola propia actividade teatral.

Transporte

O concello poñerá a disposición dos grupos un servizo de transporte gratuíto. A escenografía non poderá exceder do 2,15 m. de longo para facilitar o transporte no autobús. No caso de que sexa maior, o seu transporte será responsabilidade do grupo participante.

Gala final Mostra de Teatro Escolar

Todas as representacións serán valoradas por un xurado composto por persoas relacionadas co mundo do teatro. O xurado elixirá a mellor representación en cada unha das categorías (infantil, primaria e secundaria). Os criterios de valoración terán en conta: a orixinalidade do texto, a escenografía, o vestiario, a calidade lingüística, a corrección e fluidez, a dramatización da obra e a coordinación grupal. Cada grupo gañador recibirá un cheque por valor de 100 €. O programa finalizará coa representación das obras gañadoras e a entrega de premios o día 9 de xuño no Centro Ágora.

Contacto

VitaEvents

Teei.: 692 876 602

info@vitaevents.es