Condicións do programa

1. Os centros poderán inscribir o seguinte número de grupos distribuídos por etapas educativas:

• Educación infantil e primaria: un máximo de 3 grupos por centro.
• Educación secundaria: un máximo de 2 grupos por centro.

2. As obras de teatro deberán ser en galego ou en castelán.

3. Cada grupo representará a súa obra no seu centro e noutro centro da mesma etapa educativa e recibirá ao grupo de teatro dese centro, de maneira que será grupo anfitrión e grupo visitante.

4. As obras de teatro poderán representarse en horario escolar ou extraescolar.

5. As representacións teatrais da Mostra axustaranse, como mínimo e máximo, á seguinte duración:

• Educación infantil: entre 10 e 20 minutos.
• Educación primaria: entre 15 e 30 minutos.
• Educación secundaria: entre 30 e 60 minutos.

6. Os intercambios de representacións das obras teatrais realizaranse entre marzo e maio de 2027.

7. Deberes dos grupos participantes:

• Garantir a presenza dunha persoa responsable durante a representación, que reciba e atenda ao grupo visitante.
• Contar cun espazo idóneo e os recursos necesarios para a representación da obra.
• O público asistente deberá estar formado por alumnado de idades similares e idóneas á temática das obras.
• Facilitar a convivencia entre os membros dos grupos visitante e anfitrión.
• Cumprir co calendario e horarios establecidos para as representacións, como grupo anfitrión e visitante.
• Xustificar debidamente, coas facturas correspondentes, todos os gastos xerados pola realización da actividade e relacionados coa obra representada.

Gala final Mostra de Teatro Escolar 2027

O programa finalizará coa representación das obras gañadoras e a entrega de premios o venres 4 ou 11 de xuño (data por confirmar), ás 17.30 horas, no Fórum Metropolitano.

Todas as representacións serán valoradas por un xurado composto por profesionais de proxectos teatrais en Galicia e/ou docentes de grupos de teatro escolar e afeccionado.

O xurado elixirá a mellor representación en cada unha das categorías (infantil, primaria e secundaria) e poderá propor mencións especiais.

Os criterios de valoración terán en conta: a dramatización da obra, a orixinalidade ou a adaptación do texto, a escenografía, o vestiario, a calidade, corrección e fluidez lingüística e a coordinación do grupo.

Premios

Os premios entregaranse na gala final, tras a representación das obras. A entrega realizaraa o Concelleiro de Educación, Formación e Innovación Tecnolóxica, Juan Ignacio Borrego Vázquez; mentres que as mencións especiais serán entregadas polos membros do xurado.

Cada grupo gañador recibirá un cheque por valor de 100 €. As posibles mencións non terán premio económico.