ÁREA DE MÚSICA E MOVEMENTO (de 4 a 7 anos)

Contido:

Nesta área introducimos o alumnado máis pequeno na aprendizaxe da música desde un enfoque lúdico, auditivo e intuitivo, ademais de poñer en valor a educación inclusiva e a solidariedade entre o grupo. A metodoloxía empregada da EMM baséase nunha práctica grupal con instrumental orff, particularmente os xilófonos e metalófonos cromáticos, fomentando así a creatividade e o desenvolvemento das aptitudes de todo o alumnado.

Horarios:

Son dous días á semana, en horario de 15.30 horas a 19.30 horas, de luns a xoves. As clases terán unha hora de duración.

Nota: para abrir o grupo das 15.30 horas, necesítase un mínimo de 7 alumnos por clase.

Práctica Instrumental:

Os alumnos que cursasen polo menos un ano de Música e Movemento connosco, e cumpran 6 ó 7 anos antes do 31 de decembro de 2022, poderán acceder a unha hora de práctica instrumental, naqueles instrumentos nos que exista vacante, e seguindo os criterios de adxudicación establecidos.

Matrícula:

Poderán realizala en Música e movemento, aqueles alumnos e alumnas que cumpran de 4 a 7 anos, antes do 31 de decembro de 2023.

ÁREA XERAL (de 8 anos en diante): Clásica, Tradicional, Jazz e Moderna

Contido:

AGRUPACIÓN: A materia de agrupación céntrase na interpretación en grupo de diverso repertorio onde o alumnado poida desenvolver os coñecementos adquiridos co seu instrumento fomentando o traballo en equipo e a solidariedade entre todos os compoñentes, motivando a improvisación e a creación propia e sendo un marco exemplificativo de inclusión.

INSTRUMENTO: Na especialidade de instrumento traballarase de maneira progresiva a técnica, adaptándose sempre ao nivel do alumnado e reforzando a lectura musical sen esquecer que o alicerce fundamental sobre o que traballa a EMM é a práctica en grupo.

LINGUAXE MUSICAL: Como o seu propio nome indica nesta materia abordaremos os contidos e ferramentas necesarias para comprender e gozar de toda a linguaxe que integra a música: lectura melódico-rítmica, educación auditiva e vocal, harmonía, improvisación, análise...

Instrumentos:

Acordeón, Canto clásico, canto moderno, Clarinete, Frauta, Saxofón, Gaita, Percusión latina, Percusión tradicional, Batería, Guitarra clásica, Guitarra eléctrica, Baixo eléctrico, Piano, Violín, Viola, Violoncelo, Contrabaixo.

Horarios:

Opción 1 (de luns a xoves)

• Luns: linguaxe musical
• Martes ou mércores: instrumento
• Xoves: agrupación

Opción 2 (só os venres)

• Dar as tres materias o venres.
• Só dispoñible en: gaita, piano, guitarra eléctrica, batería, canto lírico, saxofón e percusión tradicional.

ORADOIROS

Os alumnos que queiran asistir, realizarán unha entrevista previa cos responsables do obradoiro

• CORO ADULTOS: Xoves: 20.30 a 21.30 h
• CORO MODERNO: Mércores: 18.30 a 19.30 h.
• CORO INFANTIL: Venres: 17.30 a 18.30 h.
• BANDA DE GAITAS: Xoves: 18.30 a 19.30 h.
• VOZ E PERCUSIÓN TRADICIONAL: Venres: 18.30 a 19.30 h.
• CO RITMO NAS MANS XOVES: 19.30 a 20.30 h.