Peppa Pig, My Little Pony, L.O.L. Surprise!, Pocoyó, Masha e o Oso e Simón acompañarán a un entrañable Papá Noel no espectáculo familiar máis esperado da tempada.

Tras o éxito da súa primeira edición no Estadio Metropolitano, Mi Primer Festival volve este Nadal cun novo formato en teatros.

A cita será o 23 de decembro no Teatro Colón, onde os personaxes máis queridos polos pequenos da casa cobrarán vida nun espectáculo máxico cheo de música, bailes, risas e sorpresas.

Papá Noel será o protagonista dunha aventura inesquecible xunto aos seus inseparables amigos da televisión infantil e a divertidísima banda musical de elfos. Unha experiencia única pensada para gozar en familia e converter o Nadal nun recordo inesquecible.

Este nadal Mi Primer Festival céntrase no mundo dos teatros do noso país cunha xira adaptada para estas contornas co primeiro obxectivo de atraer ao público infantil a estes espazos culturais por primeira vez. Con iso Mi Primer Festival pretende ser unha ferramenta artística que fomente aspectos importantes tales como a creatividade, a imaxinación e a autonomía, mellorando habilidades sociais e expresivas.

Mi Primer Festival, en teatro é o novo espectáculo organizado por Lemon e Pandora, producido por Cávea Producións.

VENDA DE ENTRADAS

• Despacho de billetes praza de Ourense (excepto festivos): de luns a venres de 11.00 a 15.00 h e de 16.30 a 19.30 h
• Despacho de billetes Teatro Colón: desde dúas horas antes do comezo do espectáculo (sempre que queden entradas dispoñibles)
• www.ataquilla.com