A mostra reúne máis de cen obras realizadas entre 1977 e 2025, incluíndo pintura, gravado, escultura e cerámica, e está estruturada en nove momentos creativos e dous gabinetes temáticos. "Acoller esta mostra de Xavier é moito máis que unha exposición: é un diálogo entre pasado e presente, entre memoria e innovación", indicou Inés Rey durante a súa intervención na presentación da exposición.

A alcaldesa definiu a Xavier como "un artista plural, que explora pintura, escultura, gravado, cerámica e mesmo cinema". Nesta mostra comisariada por Marta Volga e Rubén Ventureira, a natureza é protagonista: non só como tema, senón como linguaxe e espazo de reflexión. Cada serie é un "momento" vital, unha invitación para contemplar e sentir, a descubrir a beleza e o sentido que a arte pode achegar ás persoas. "Para o Concello, esta exposición representa tamén a aposta firme pola calidade das mostras culturais que ofrecemos nolos nosos espazos. Queremos que a cidadanía e quen nos visita atopen aquí propostas que emocionen, que conecten coa historia e que proxecten a cidade como referente cultural galego e nacional", sinalou Inés Rey .

A exposición é tamén unha homenaxe á memoria familiar e á historia da arte, pechando un ciclo emocional que une a cidade coa saga Picasso. Como cidade picassiana, esta mostra intégrase na programación anual organizada polo Concello ao redor do artista, tanto na súa Casa Museo como no resto de espazos culturais municipais.

Para ver o dossier completo pique na seguinte ligazón

Momentos Naturais