Danza contemporánea instalación participativa

Aburrimento: arquitecturas para o xogo escénico é un dispositivo artístico participativo que investiga como o corpo, o espazo e os obxectos poden activar o xogo colectivo e a imaxinación compartida. A proposta forma parte do proceso de creación da futura peza de danza ABÚRROME, dirixida á rapazada entre 6 e 11 anos.

A experiencia comeza cun momento de observación e percepción do lugar, que progresivamente abre paso á acción: as participantes activan o espazo, transforman a súa configuración e crean pequenas arquitecturas colectivas. A través do xogo, da relación co corpo e da interacción cos materiais, o escenario convértese nun territorio de descubrimento e creación compartida.

Este dispositivo investiga as posibilidades da participación nas artes escénicas e propón un espazo onde o aburrimento -entendido como suspensión do tempo produtivo- se converte nun motor para a curiosidade, a creatividade e o encontro.

Intérpretes: María de Vicente, Inés Santos

Dirección e concepto: Marta Alonso Tejada

Escenografía e arquitectura espacial: Juan Bas

Deseño de iluminación: Laura Iturralde

Asistencia de investigación: Cristina Varela

Entrada gratuita previa inscripción no porgrama de mediación do TRC-Danza 2026