O proxecto conta cun orzamento de 6 millóns de euros procedentes dos fondos Next Generation no que se inclúe a adquisición de novos dispositivos de control e seguimento do fluxo de tráfico, paneis de información cidadá e medidores de calidade do aire xunto con esta adaptación do centro integral de mobilidade. "Co novo sistema permitirase ter un maior coñecemento e unha maior precisión sobre o estado da mobilidade en tempo real sobre posibles incidencias ou conxestión do tráfico, co que se garantirá unha mellor seguridade viaria e se ofrecerán alternativas que acheguen unha maior fluidez á circulación".

Ademais, durante a celebración da Semana Europea da Mobilidade, o Centro Integral de Mobilidade (CIMoB) estará aberto a visitas a partir das 17.00 horas para que as persoas que o desexen poidan coñecer o seu funcionamento.

Está coordinado pola Policía Local e o Servizo de Mobilidade do Concello e sitúase na Estación de Autobuses da Coruña.