Neste contexto aprobouse o 7 de outubro de 2020 o marco xeral do Plan de Recuperación, Transformación e Resiliencia de España, que traza a folla de ruta para a modernización da economía española.

Este Plan, en diante PRTR, que aprobou a Comisión Europea o 16 de xuño de 2021 como paso previo á súa aprobación polo Consello da UE, está articulado a partir de catro eixos (transición ecolóxica, cohesión social e territorial, dixitalización e igualdade de xénero), que se materializan en dez políticas panca, que á súa vez integran 30 compoñentes que articulan de forma coherente e complementaria as diferentes iniciativas tractoras prioritarias de reforma estrutural, tanto de tipo regulatorio como de impulso ao investimento, para contribuír a alcanzar os obxectivos xerais do Plan.

Cada compoñente céntrase nun reto ou obxectivo específico e recolle os diferentes Programas e as súas correspondentes liñas de actuación: reformas e investimentos para o reforzo do capital natural, tecnolóxico e humano, para aumentar a produtividade e o crecemento potencial xerador de emprego.

O Ministerio de Transportes, Mobilidade e Axenda Urbana (en diante «MITMA») lidera 3 dos 30 compoñentes incluídos no Plan de Recuperación e Resiliencia, dous deles relacionados coa mobilidade e o transporte (compoñentes 1 e 6), onde se estruturan os investimentos e axudas ao sector dirixidas ás Comunidades Autónomas, administracións locais e empresas.

Tendo en conta a regulación, os obxectivos, as actuacións financiables na convocatoria, e sobre todo o grao de madurez dos proxectos á vista das datas límite impostas, a Concellaría de Urbanismo, Infraestruturas, Vivenda e Mobilidade, presenta a participación municipal ao Programa de axudas a municipios para a implantación de zonas de baixas emisións e a transformación dixital e sostible do transporte urbano, convocadas mediante a Orde TMA/892/2021.

As actuacións seleccionadas son:

Por Orde Ministerial de data 20 de maio de 2022 ditada pola Secretaría Xeral de Transportes do Ministerio de Transportes, Mobilidade e Axenda Urbana, aprobouse a cantidade total de 10.948.605,15 € en concepto da axuda solicitada polo Concello da Coruña para as actuacións seleccionadas.

Tras o cumprimento dos fitos de licitar polo menos o 80 % do importe subvencionable antes do 14 de xuño de 2022 e de adxudicar polo menos o 60 % de dito importe antes do 30 de novembro de 2022, o MITMA ingresou a este Concello o primeiro anticipo da axuda concedida por importe de 7.390.308,48 €.

O goberno municipal está a traballar na execución de todas as actuacións e no cumprimento do resto de fitos do PRTR para conseguir o pagamento do segundo anticipo e a xustificación conforme ás bases da convocatoria, para a satisfacción de todos os proxectos.