- Inicio
- Trámites e normativa
- Detalle Trámite
Tarxeta de residentes para a zona ORA
En que consiste?:
Tarxeta que permite estacionar nas zonas reservadas para residentes no sector que figure na tarxeta e na franxa horaria que ocupa a zona ORA.
Onde se fai?:
A solicitude poderase presentar, enviando un correo electrónico á empresa:
- Correo: residentes@coruna.setex.es
- Presencial: Oficinas Grupo Setex (Avda. Fernández Latorre, número 11, baixo). Teléfono 881 123 938 (Solicitude de cita previa).
Prazo de presentación:
Prazo de solicitude:
Desde o 15 de decembro de 2021 ao 31 de Xaneiro 2022 (ambos inclusive). Fóra do devandito prazo, con carácter excepcional, soamente poderán solicitarse tarxetas para novos vehículos, por cambio de domicilio ou outras causas debidamente xustificadas; debendo entregar, no seu caso, a tarxeta que o solicitante xa tiver no seu poder
As persoas que soliciten a tarxeta fóra de prazo acudirán ás oficinas habilitadas para o efecto da empresa concesionaria SETEX, na avda. Fernández Latorre nº11, ou a través de correo electrónico, residentes@coruna.setex.es, achegando a documentación necesaria, e xustificando documentalmente a solicitude fóra de prazo. Para solicitude presencial, solicitar cita previa no teléfono 881 123 938.
Documentación necesaria:
RENOVACIÓNS:
A persoa que solicite a renovación da súa tarxeta de residente, e sempre que non modificase as condicións que lle desen dereito á mesma, deberá enviar por correo electrónico a residentes@coruna.setex.es a seguinte documentación, debidamente cumprimentada:
- Solicitud Distintivo de Residente Ayuntamiento A Coruña debidamente asinada.
- Xustificante Ingreso Taxa por importe de 18,65 €, no número de conta ES23 0081 5363 2400 0114 9316. No concepto deberá figurar, nome solicitante-matrícula-ano (exemplo: José Pérez-1234BBB-2022).
Unha vez recibida e comprobada dita documentación, o usuario recibirá un correo electrónico coa confirmación da alta como usuario residente para o ano 2022, poñendo á súa disposición dita tarxeta, que será enviada a través de correo ordinario.
No caso de que o usuario, non poida acceder por medios telemáticos, deberá presentar persoalmente, obtendo cita previa no teléfono 881 123 938, a documentación e unha vez comprobada, avisarase telefonicamente confirmando a alta como usuario residente para o ano 2022, poñendo á súa disposición a tarxeta que será enviada a través de correo ordinario.
NOVAS ALTAS:
A persoa que desexe solicitar por PRIMEIRA VEZ a súa tarxeta de residente deberá remitir por correo electrónico residentes@coruna.setex.es a seguinte documentación:
- Solicitud Distintivo de Residente Ayuntamiento A Coruña debidamente asinada.
- Fotocopia DNI do ou da solicitante.
- Fotocopia do Permiso de Circulación do Vehículo.
Unha vez recibida e comprobada a documentación, o usuario recibirá un correo electrónico informándolle do dereito ou non ao acceso á tarxeta. No caso afirmativo, o usuario deberá realizar o aboamento correspondente no número de conta ES23 0081 5363 2400 0114 9316 por importe 18,65 €, No concepto deberá figurar, nome solicitante-matrícula-ano (exemplo: José Pérez-1234BBB-2022). Devandito xustificante será enviado por correo electrónico a residentes@coruna.setex.es .
Unha vez recibido e comprobado, o usuario recibirá un correo electrónico coa confirmación da alta como usuario residente para o ano 2022, poñendo á súa disposición dita tarxeta, que será enviada a través de correo ordinario.
No caso, de que o usuario, non poida acceder por medios telemáticos, deberá presentar persoalmente a documentación, obtendo cita previa no teléfono 881 123 938 e, unha vez comprobada, avisarase telefonicamente, coa confirmación do dereito ou non á tarxeta. No caso afirmativo, deberá realizar o aboamento da taxa correspondente e entregar o xustificante de ingreso. Unha vez recibido nas oficinas de tramitación, chamarase ao teléfono facilitado, coa confirmación da alta da súa tarxeta de residente, que será enviada a través de correo ordinario.
Canles de presentación
Presencial
Que se necesita?:
A entrega da tarxeta, distintivo de estacionamento de Uso de Residente, está supeditada ao cumprimento dos requisitos que se mencionan a continuación e ao pagamento da taxa correspondente.
O período de vixencia da tarxeta terminará o 31 de decembro de cada ano. A tarxeta do ano en curso deberá ir pegada na parte interior do parabrisas nun lugar visible para a súa comprobación.
A tarxeta de residente non terá validez nos espazos de Uso Xeral.
Soamente a poderán adquirir as persoas físicas. Non existe un máximo de tarxetas por domicilio, nin por titular, coa condición de que se cumpran os requisitos que se enumeran a continuación; pódense solicitar as que se desexen (unha por vehículo):
- Ter o seu domicilio en zona ORA.
- Ser titular do vehículo para o que se solicita a tarxeta.
- Aboar a taxa establecida por un importe de 18,65 € (Ordenanza fiscal núm. 21).
- Estar ao corrente de pagamento do IVTM neste concello, ou gozar de exención.
- Non ter pendente de pagamento en vía executiva sancións de circulación co concello no momento de efectuar a solicitude.
Internet
Teléfono
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible