A aplicación consta de seis portais simulados de compras por Internet, cada un deles versa sobre un tipo de compra ou servizo online diferente:

• CulturOMIC: sitio web onde realizar unha compra simulada de produtos culturais como: libros, revistas ou películas.

•  ElectrOMIC: tenda virtual na que simular a adquisición de produtos electrónicos.

•  MercadOMIC: un supermercado virtual.

•  AirOMIC: portal simulado para a reserva de voos.

•  OMIC Seguros: sitio web no que o usuario pode simular a contratación dun seguro de vida, aoutomovil ou fogar.

•  OMIC Aloxamentos:  central de reservas de aloxamentos turísticos de todo tipo.

O simulador é unha ferramenta que permite familiarizar aos consumidores  coas compras por Internet , dun xeito  práctico e ameno. O obxectivo fundamental desta ferramenta é aportar á cidadanía os coñecementos necesarios para realizar compras seguras na Rede e deste xeito evitar posibles fraudes.

A aplicación informática conta con consellos de compra, preguntas frecuentes coa resposta correspondente, erros e ilegalidades habituais na Rede a detectar polos usuarios e un test final a xeito de repaso do aprendido.  

Este simulador de compras pola Internet poderá utilizarse nos cursos de formación e charlas informativas que imparte a OMIC, dirixidos tanto a rapaces como a adultos. Deste xeito, os cidadáns disporán dun educador que os guíe na utilización deste recurso e resolva posibles dúbidas.

Pode obter máis información sobre o simulador ou os cursos de manexo do mesmo chamando ó teléfono 981 189820 ou acudindo á oficina da OMIC (na rúa Costa da Palloza, nº 8 ), en horario de 10.00 a 14.00 h, ou contactar con nós a través do correo electrónico omic@coruna.es.