27 de septiembre de 2010
A Oficina Municipal de Información ao Consumidor (OMIC) da Coruña crea un simulador de compras por Internet co fin de informar e formar á cidadanía no consumo virtual.
O simulador é unha ferramenta que permite familiarizar aos consumidores coas compras por Internet , dun xeito práctico e ameno. O obxectivo fundamental desta ferramenta é aportar á cidadanía os coñecementos necesarios para realizar compras seguras na Rede e deste xeito evitar posibles fraudes.
A aplicación informática conta con consellos de compra, preguntas frecuentes coa resposta correspondente, erros e ilegalidades habituais na Rede a detectar polos usuarios e un test final a xeito de repaso do aprendido.
Este simulador de compras pola Internet poderá utilizarse nos cursos de formación e charlas informativas que imparte a OMIC, dirixidos tanto a rapaces como a adultos. Deste xeito, os cidadáns disporán dun educador que os guíe na utilización deste recurso e resolva posibles dúbidas.
Pode obter máis información sobre o simulador ou os cursos de manexo do mesmo chamando ó teléfono 981 189820 ou acudindo á oficina da OMIC (na rúa Costa da Palloza, nº 8 ), en horario de 10.00 a 14.00 h, ou contactar con nós a través do correo electrónico omic@coruna.es.
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible