Neste encontro único con Raúl García, referente da animación internacional, coñeceremos o seu traballo como animador clave na "era dourada" de Disney e como o seu lapis deu vida a personaxes icónicos que marcaron o cine moderno.

Raul García foi o primeiro animador español en traballar nos estudos Disney, onde colaborou como animador de personaxes nalgúns dos clásicos máis emblemáticos: A Bela e a Besta, Aladdín, O Rei León, etc. Antes da súa etapa en Disney, traballou en series como Os Picapedra, Os Pitufos e Lucky Luke, e en longametraxes europeas como Astérix e a sorpresa do César ou En busca del Valle Encantado.

Tamén formou parte do equipo na mítica ¿Quién engañó a Roger Rabbit?, que lle abriu as portas da industria norteamericana.