Concello da Coruña

Concello da Coruña
  • Compartir
  • Engadir ao meu móbil | 
  • Imprimir

Cando:

17 de febreiro de 2021

Convocatoria pública de axudas para mellorar a eficiencia enerxética e a accesibilidade en edificios de vivendas

O día 15 de decembro de 2020 publicouse no Boletín Oficial da Provincia a nova convocatoria de axudas municipais aprobada o pasado 2 de febreiro pola Xunta de Goberno Local, por un importe total de 2.650.000 €, para a subvención de obras de mellora da eficiencia enerxética e a accesibilidade tanto nos elementos comúns de edificios de vivendas, como nas vivendas individualizadas.

Poden ser obxecto de axuda as seguintes actuacións:

1. Obras de mellora de eficiencia enerxética que permitan obter unha redución da demanda enerxética anual global do inmoble, xa sexan edificios de vivenda colectiva ou vivendas individualizadas, de polo menos un 25% sobre a situación previa á actuación.

2. Obras de accesibilidade que afecten a elementos comúns en edificios de vivenda colectiva coa finalidade de dispoñer un percorrido completamente accesible desde o acceso do edificio desde vía pública ata cada unha das súas vivendas.

Inclúense actuacións de instalación de novos ascensores, ampliación do percorrido de ascensores xa existentes para suprimir tramos de escaleiras, adaptación de percorridos accesibles ata eles, e renovación de instalacións xa existentes.

En virtude das características estruturais e construtivas do edificio, así como do seu nivel de protección, tamén poderán ser obxecto de axuda aquelas que, sen alcanzar o devandito grao de accesibilidade completa, se permitan polo menos acadar os axustes razoables definidos no artigo 2 da Ordenanza municipal reguladora.

3. Obras de accesibilidade que afecten ao interior das vivendas nas que residan persoas con mobilidade reducida, ou maiores de 70 anos.

Poderán ser beneficiarios das axudas:

Nas obras sobre os elementos comúns do edificio, as comunidades de propietarios e cada unha das persoas propietarias.

Nas obras en vivendas individualizadas, a persoa propietaria ou a ocupante con autorización daquela.

Os promotores, no caso de rehabilitación integral dun edificio non ocupado cando se destine aou domicilio habitual, a entidades benéficas sen fins de lucro, ou a vivendas cualificadas como vivenda protexida de réxime xeral destinada a alugueiro protexido.

Prazo de presentación:

Finalizou o 15 de febreiro de 2021.

Emenda de solicitudes

Unha vez realizada a solicitude inicial no prazo conferido para iso (16 de decembro de 2020 a 15 de febreiro de 2021), calquera incorporación de nova documentación, por iniciativa da persoa interesada ou a instancias do órgano tramitador, deberá realizarse empregando o modelo 06 dispoñible na Sede electrónica e nos rexistros municipais.

Os suxeitos que estean obrigados a presentar a documentación por medios electrónicos, conforme ao artigo 14.2 da Lei 39/2015, de 1 de outubro, do Procedemento Administrativo Común das Administracións Públicas, deberán presentar a documentación por vía telemática, e poderán facelo a través do procedemento establecido para ese efecto dentro do grupo de Edificación e Vivenda que poderá atopar na Sede electrónica Municipal (LIGAZÓN), de acordo co disposto na Lei 11/2007, do 22 de xuño, de acceso electrónico da cidadanía aos servizos públicos, ou por calquera outro rexistro público electrónico conforme ao artigo 16 da Lei 39/2015, do 1 de outubro.

Aqueles suxeitos que non estean obrigados a presentar a solicitude por medios electrónicos, conforme ao artigo 14.2 da Lei 39/2015, do 1 de outubro, tamén poderán presentar a documentación no Rexistro do Concello da Coruña, ou nalgún dos lugares dos previstos no artigo 16.4 da Lei 39/2015, do 1 de outubro.

Direccións

  • Concello da Coruña, praza de María Pita, 1. C.P. 15001 A Coruña
  • Fórum Metropolitano, rúa Río de Monelos, 1. C.P. 15006 A Coruña
  • Centro Sociocultural Ágora, rúa Ágora, s/n. C.P. 15010 A Coruña
  • Rexistro do Servizo de Rehabilitación e Vivenda, rúa Caballeros, 21 (Edificio Estación de Autobuses) C.P. 15009 A Coruña

Importe das axudas:

Establecerase segundo o indicado no artigo 8.º da Ordenanza municipal reguladora.

PREGUNTAS FRECUENTES

No seguinte documento pode consultar a resposta ás preguntas máis frecuentes sobre a convocatoria.

LIGAZÓNS

Publicación da convocatoria completa na Base de Datos Nacional de Subvencións: https://www.infosubvenciones.es/bdnstrans/ge/es/convocatoria/538131

Tramitación electrónica do procedemento, na Sede electrónica do concello

Consultas sobre a convocatoria, na web de consultas sobre subvencións de rehabilitación.

DESCARGAS

Convocatoria, en castelán ou galego

Ordenanza municipal reguladora, en castelán ou galego

Modelos 01 a 06

Novas

Solicitudes

Normativa municipal

  • [GAL] OMR de axudas para a conservación e rehabilitación de edificios de vivenda (140 KB)
  • [CAS] OMR de axudas para a conservación e rehabilitación (338 KB)
  • [GAL] TR Ordenanza de conservación e rehabilitación (492 KB)
  • [CAS] TR Ordenanza de Conservación e Rehabilitación (805 KB)
  • OMR de axudas para mellora estética no ámbito PEPRI (183 KB)

Consulta do rexistro de ITE

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión