A Escola Infantil Municipal Monte Alto organiza, o vindeiro luns 13 de abril, a partir das 17.30 horas, unha charla formativa titulada "A nosa vida con autismo".

Trátase dun espazo aberto á pluralidade e á diversidade do alumnado, para a observación e o acompañamento de cada neno/a, e para orientar a familia e apoiar as e os profesionais externos na atención e estimulación temperá.

A actividade, que terá lugar nas instalacións da escola, está presentada polo equipo APAE (Centro de atención psicopedagóxica, atención temperá, estimulación da linguaxe e formación permanente) e diríxese a equipos educativos, pais, nais e persoas interesadas polo tema.

As prazas son limitadas. A inscrición previa realizarase a través do correo electrónico ei.montealto@hotmail.com