Concello da Coruña

O Concello da Coruña e a Federación Galega de Atletismo organizan o próximo 4 de outubro de 2026 na Coruña a XX Carreira Popular Coruña10. A proba, incluída no Calendario Oficial de competicións da FGA e da RFEA, disputarase a través dun circuíto urbano homologado pola RFEA.

A saída estará na avenida de Montoto e a meta en Praza de María Pita .

ENTREGA DE DORSAIS

Os/as atletas serán debidamente informados dos horarios e a localización antes do peche do prazo de inscrición. Poderanse establecer quendas de recollida para evitar calquera tipo de aglomeración.

Non se entregarán dorsais o mesmo día de carreira.

Os dorsais poden ser recollidos por unha persoa autorizada polo participante, a cal deberá presentar os datos de inscrición para fins de identificación.

CAIXÓNS DE SAÍDA

Os caixóns de saída estableceranse en función da inscrición final e segundo as marcas acreditadas polas persoas participantes na inscrición, que será publicada na páxina web da organización.

As persoas participantes deberán colocarse na zona acoutada que lles corresponda segundo o caixón que se lles asigne.