A cidadanía que desexe conducir un vehículo destinado ao servizo de taxi do Concello da Coruña deberá obter o permiso municipal de taxi.

CARACTERÍSTICAS DO EXAME:

Para obter os permisos municipais de taxi será necesario realizar un exame, que terá lugar o primeiro venres hábil de cada mes no Departamento de Mobilidade situado na Estación de Autobuses (r/ Caballeros s/n). As persoas aspirantes poderán cometer un máximo de cinco fallos. O/a solicitante poderá realizar a proba de aptitude un máximo de dúas veces; no caso de que non consiga superar o exame nos dous intentos estipulados, deberá aboar novamente a taxa pola realización da proba.

Na páxina web pódese consultar o temario esixido para o exame.

VIXENCIA:

O permiso terá un validez de 5 anos e deberase renovar unha vez que transcorrese o devandito prazo. Se non se usa o permiso durante un prazo máximo de seis meses, será revogado. No caso de que non se exerza por atoparse en situación de desemprego involuntario o permiso seguirá vixente durante un prazo máximo de dous anos.

RECOLLIDA DO PERMISO:

A retirada do permiso realizaraa a persoa interesada no Departamento de Mobilidade unha vez recibida a notificación. Para recoller o carné deberá presentar:

- Orixinal e copia do contrato de traballo.

- Orixinal e copia da inscrición de alta na Seguridade Social.

- Declaración responsable na que manifeste que presta o servizo de taxi con exclusiva dedicación, cumprindo o fixado na Lei 4/2013, do 30 de maio (art. 20 apart. 1).