SOLICITUDE DE PERMISO DE ACCESO EN COCHE PARA PERSOAS CON MOBILIDADE REDUCIDA

As persoas con mobilidade reducida, xa sexa por unha discapacidade permanente ou por algo puntual (enfermidade etc.) poden solicitar autorización para poder acceder ao interior do cemiterio nun vehículo.

O dito vehículo só poderá acceder para deixar a persoa solicitante e máis tarde entrar de novo para recollela, en ningún caso poderá estacionar ou esperar dentro do cemiterio.

O permiso concederase de luns a venres, excepto festivos.

Documentación:

• Impreso de solicitude (pódese recoller nas Oficinas do Rexistro Xeral Municipal ou descargar desde a páxina web: www.coruna.es).
• Certificado médico ou certificado de discapacidade (segundo proceda) no que figure que ten afectada gravemente a mobilidade, xa sexa de forma permanente ou temporal.

Lugar de tramitación: Oficinas do Rexistro Xeral Municipal

COMO CHEGAR

Bus urbano

• Liña 23 - Liña 23A

NORMATIVA

Decreto 151/2014, do 20 de novembro, de sanidade mortuoria de Galicia, publicado no DOG nº 237 do 11 de decembro de 2014.