Na praza de María Pita, fronte ao Concello da cidade, levántase o monumento en honra a María Pita. A estatua realizada en bronce, creada por Xosé Castiñeiras no 1998, representa a heroína coa lanza coa que matou o alférez inglés mentres colle coa outra man o corpo sen vida de Gregorio de Racamonde, o seu marido. A altura total da estatua é de 9,31 metros, composta por unha plataforma de chanzos de 45 cm, un pedestal de 5,56 m e unha escultura de 3,30 metros cun peso de 30 toneladas.

Aos seus pés hai un recipiente con chama, símbolo do carácter liberal do pobo coruñés.