1. Os edificios suxeitos ao deber de presentar a ITE determínase coa seguinte orde, en relación á súa inscrición no Rexistro de Edificacións:

• Catalogados no ámbito do Plan especial de protección e reforma interior da Cidade Vella e Pescaría
• Catalogados no Plan xeral
• Edificios con antigüidade superior a corenta anos no ámbito das áreas de rehabilitación declaradas
• Edificios con antigüidade superior a corenta anos no resto do municipio
• Restantes a medida que se cataloguen ou cumpran corenta anos
• O Concello poderá esixirlles ás persoas propietarias dos edificios non obrigados polo parágrafo anterior a realización da ITE cando as circunstancias así o fagan necesario.

2. Incoación do expediente de ITE, comunicándollo á propiedade que consta en Catastro. Concédese o prazo dun ano para presentar a documentación necesaria.

3. Unha vez transcorrido o prazo dun ano sen que se presentase a documentación ou se alegase en relación ao solicitado, comunícase apercibimento con novo prazo de tres meses improrrogables.

4. O expediente ITE suspéndese se durante a súa tramitación se lle notifica á Sección de Conservación da Edificación solicitude de licenza de obra. Realizadas as obras obxecto da licenza, debe presentarse a acta de ITE.

5. Logo de presentada en calquera rexistro municipal a documentación de ITE necesaria, compróbase a corrección formal e procédese a:

• ITE FAVORABLE
  • Arquivo do expediente
  • Nova ITE en 10 anos
• ITE DESFAVORABLE
  • Incoación do correspondente expediente de DEFICIENCIAS

6. En caso de incumprimento na presentación incoarase expediente sancionador e expediente de execución subsidiaria por parte do concello.