A Coordinadora para o Estudo dos Mamíferos Mariños (CEMMA) é unha ONG galega fundada en 1992, adicada ao estudo e divulgación dos mamíferos e tartarugas mariñas de Galicia, a través da investigación, promovendo e participando en proxectos con institucións estatais e internacionais, e potenciando aspectos divulgativos mediante exposicións, conferencias e cursos.

Durante dous anos elaboraronse materiais para informar sobre a súa bioloxía, crearonse leitos de comunicación entre os navegantes e os científicos e deseñaronse materiais de impacto social para difundir a necesidade de conservación deste pequeno grupo de orcas residentes nas costas ibéricas.

Coa finalidade de contribuír á información e proxección social das orcas e a súa problemática, a CEMMA e a Fundación Banco de Santander poñen en marcha o Proxecto Amigas: orcas (FriendSHIP: orcas).

Nesta charla os ilustradores Manel Cráneo, Emma Ríos e Tokio, presentarán os seus traballos dentro do material divulgativo deste proxecto.