Concello da Coruña

Concello da Coruña

Bibliotecas Municipais

Alcaldía

Biblioteca verde

É un programa das Bibliotecas Municipais que busca fomentar entre a cidadanía da nosa área de influencia prácticas sostibles e respectuosas co medio ambiente dando a coñecer actitudes e comportamentos alternativos nos distintos aspectos da actividade humana.

Obxectivos

  • Achegar á cidadanía información que contribúa a fomentar o uso de alternativas de consumo consciente.

  • Dar a coñecer entidades da nosa contorna que traballan a favor da sostibilidade e servir de plataforma de difusión para estas iniciativas.

  • Visibilizar prácticas alternativas relacionadas coas diferentes vertentes da actividade humana (educación, alimentación, consumo, pensamento e lecer).

  • Asumir o compromiso ambiental nas nosas prácticas internas

  • Conformar unha colección variada que reflicta e apoie as liñas e o obxectivo que se mencionan anteriormente.

  • Dar a coñecer o noso fondo temático

Fondo especializado

  • En cada unha das nosas bibliotecas existe un espazo determinado cunha selección de materiais bibliográficos nos diversos formatos que viran arredor das temáticas sobre desenvolvemento sostible, ecoloxía, natureza, alimentación ou lecer responsable.

Campañas de concienciación

  • Desde Biblioteca Verde e de forma periódica organízanse campañas de divulgación e conciencienciación sobre distintos aspectos vencellados á natureza, as alternativas ecolóxicas e todo o relacionado cun desenvolvemento sostible.

    • Turismo responsable

    • Alimentación sostible

    • Mobilidade sostible

A Coruña móvese

En colaboración coa Concellaría de Urbanismo, Vivenda, Infraestruturas e Mobilidade do Concello da Coruña e xunto a asociacións e entidades locais, as Bibliotecas Municipais lanzamos unha campaña informativa e formativa centrada en potenciar o uso da bicicleta e outros medios de transporte sostible como solución segura, ecolóxica e económica aos problemas actuais de mobilidade urbana.

A partir do 18 de abril e culminando no Día Internacional da Bicicleta que se celebra o 3 de xuño, as Bibliotecas Municipais da Coruña desenvolvemos unha campaña articulada arredor de guías informativas, exposicións, contacontos, charlas e talleres que pretende dar a coñecer desde varias perspectivas os beneficios individuais e colectivos do uso de transportes alternativos ao automóbil.

Guía virtual de recursos

Desde distintas redes sociais das bibliotecas irase publicando periodicamente unha guía de recursos (libros, documentais, obras de ficción, informes, plataformas, recursos web etc.) para orientar as persoas interesadas.

Mostras

Aquelas que prefiran ver e escoller o material atoparanse en cada biblioteca da rede cunha selección específica desta temática agrupada nun centro de interese.

E non nos esquecemos dos nenos e das nenas aos que dedicamos varios contacontos que teñen como protagonista a "Ciclobiblioteca" un ciclo-carro construído en Dinamarca transformado nunha auténtica biblioteca ambulante defensora do medio ambiente.

Talleres

Da man da asocición Mobi-liza aprenderemos aspectos prácticos de mecánica e mantemento de bicicletas ou consellos cotiáns para circular dunha forma segura pola nosa cidade, un aspecto de vital importancia no uso de medios non motorizados.

Tamén xunto a Mobi-liza organizamos un curso para aprender a montar en bicicleta distribuído en tres sesións ao aire libre.

A Policía Local axudaranos mediante charlas a coñecer aqueles factores que permiten a convivencia das distintas persoas usuarias de transporte.

Mobilidade urbana na Coruña

Nun encontro participativo podemos coñecer de man do persoal responsable municipal, a política, proxectos e modelo de mobilidade urbana sostible para A Coruña.

E como festa final está a Friday mobility nigh, unha marcha ciclista pola cidade á que estamos todos e todas convidados e que este ano coincide xusto co Día Internacional da Bicicleta: o venres 3 de xuño.

ACTIVIDADE DATA HORA BIBLIOTECA
As viaxes en bicicleta Xoves 5 de maio 18.30 h Os Rosales
Mesa redonda sobre mobilidade urbana na Coruña Venres 6 de maio 18.30 h Ágora
Contos en ciclobiblioteca Mércores 11 de maio 18.00 h Monte Alto
Contos en ciclobiblioteca Xoves 12 de maio 18.00 h Castrillón
Charla sobre educación viaria Sábado 21 de maio 12.30 h. Durán Loriga
Charla sobre educación viaria Martes 24 de maio 19.00 h. Fórum Metropolitano
Tips para rodar no teu día a día Venres 27 de maio 18.30 h Rosales
Taller de mecánica básica para bibliotecas Sábado 28 de maio 11.00 h Sagrada Familia

Para ter en conta

No transcurso de todas as actividades o persoal bibliotecario realiza fotografías co único obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.

Se non desexas saír nestas fotografías, por favor, fala connosco antes do inicio da actividade.

Buscador de actividades

Escribe a palabra ou palabras que desexas buscar:

Se o prefires, combina distintos criterios na procura avanzada ou busca nun calendario

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión