Distopías cotiás é espazo de reflexión -que nace da man de Coruña Dixital- sobre tecnoloxías e prácticas na contorna dixital que, ata hai ben pouco, ocupaban a esfera da ciencia ficción e que a día de hoxe xa forman parte, en maior ou menor grao, da nosa realidade cotiá.

Nesta ocasión debaterase sobre as posibles acción, individuais e colectivas, que nos permitan camiñar cara unha cidadanía dixital máis consciente, crítica e activa. Para iso Distopías Cotiás contará co profesor de Comunicación Política e Opinión Pública Víctor Sampedro, que falará arredor das iniciativas de alfabetización tecnolóxica que desenvolve trala publicación do libro "Dietética digital para adelgazar al Gran Hermano" (2018).

Esta sesión poderá seguirse tamén en directo a través de YouTube.

O formato consistirá nunha charla introdutoria (aproximadamente 30 minutos) para pasar despois ao espazo de conversa e debate.