A QUEN VAN DIRIXIDAS?

Poderán acceder a estas prazas as persoas que o desexen, sexan ou non alumnos/as das EDM.

Limitación no número de actividades por persoa: Como norma xeral, establécese a limitación de ocupar como máximo dúas prazas das EDM no mesmo curso, exceptuando as actividades de natación adaptada e natación prenatal, de forma temporal. Esta limitación establécese considerando conxuntamente as instalacións deportivas municipais de xestión directa así como os complexos deportivos de San Diego e San Amaro.

Finalizada a convocatoria de novas matrículas, se quedasen prazas libres, poderá matricularse tendo en conta que na seguinte renovación só se poderá matricular en dúas delas, sempre e cando sexan de modalidades deportivas diferentes.

PERÍODOS DE MATRICULACIÓN:

• Prazas para Escolas de 6 a 17 anos: dende o 27 de outubro ás 08:15h ata o 31 de decembro de 2025
• Prazas para 18-64 anos e +65 anos: dende o 27 de outubro ás 08:15h ata o 31 de xaneiro de 2026

CAMBIOS DE HORARIO AO LONGO DO CURSO ESCOLAR​:

Aquelas persoas que, por circunstancias de conciliación laboral, persoal ou calquera outra índole, desexen cambiar o horario, na mesma modalidade deportiva, poderán acceder ás prazas vacantes que se publicarán unha vez rematada a convocatoria de novas matrículas, e quedarán a libre disposición ata a 31 de xaneiro de 2026, para maiores de 18 anos, e ata o 31 de decembro de 2025, para as/os menores.

Se fose o caso, deberán tramitar de maneira presencial conxuntamente a baixa no grupo do que desexen marchar e a alta no novo horario, sen necesidade de aboar novamente a taxa, agás a diferenza no importe no caso de pasar dunha frecuencia menor a unha frecuencia maior (por exemplo, de dous días á semana a tres días á semana).

Unha vez rematado este prazo, non se admitirán máis cambios e deberán agardar á seguinte renovación co seu conseguinte novo prazo de cambios.

Non se permiten cambios de modalidade deportiva, nin entre instalacións de San Diego ou San Amaro entre si, nin co resto de instalacións.

FORMALIZACIÓN DA MATRÍCULA

• Matriculas Presenciais: 
  • Nas actividades de xestion propia, efectuaranse por rigorosa orde de chegada, con cita previa (https://citaprevia.coruna.gal/citaprevia/?idCliente=3), nas oficinas do SMD (sitas no Palacio dos Deportes de Riazor e as prazas )
  • Nas actividades correspondentes a San Diego e San Amaro efectuaranse nas devanditas instalacións
• Matrículas En Liña: SÓ NO CASO das actividades de xestión municipal directa se poderán realizar de forma telemática, a través da plataforma Cronos Web de maneira identificada: https://coruna.gal/CronosWeb/Login

En ambos casos a apertura da formalización das matrículas comezará o luns 27 de outubro ás 08:15h

Documentación que debe acompañar

• Menores de 14 anos:  DNI (de non telo, o Libro de Familia) e o DNI do pai/nai/titor/a.
• A partir de 14 anos e ata os 18: DNI e  o DNI do pai/nai/titor/a.
• Alumnado suxeito a tutela, con independencia da idade: DNI, se o tivese e, ademais, do documento legal que a acredite e o DNI do titor/a.
• Maiores de 18 anos: DNI.

Non se garante a dispoñibilidade da praza no momento da atención.

PRAZAS DISPOÑIBLES (Para estes efectos, considerarase a idade referida na data do 31 de decembro de 2025)

Requisitos para as Escolas Deportivas Municipais de Natación:

• Para matricularse nas EDM de Natación de 9-11, 12-17, 18-64, + 65 intenso, natación adaptada e Waterpolo: É requisito ser capaz de nadar 25 m sen facer pé nin suxeitarse a medios auxiliares fixos ou móbiles.
• Para matricularse nas EDM de Natación 18-64 intenso: É requisito saber nadar 100 metros empregando dous estilos.

Pode cosultar as prazas dispoñibles EN TEMPO REAL a través da plataforma Cronos Web na seguinte ligazón: 

• https://coruna.gal/CronosWeb/Login 

A consulta pode facela tanto de maneira identificada ou sen identificarse.