- Inicio
- Programas Educativos
- Detalle de actividade de programa
Os parruliños coñecen a rúa 2026-27
Aínda que as competencias básicas non se inclúen como elemento curricular, si se considera que nesta etapa sentan as bases para o desenvolvemento persoal e social, e intégranse aprendizaxes necesarias para o posterior desenvolvemento das competencias básicas en todo o alumnado. Baixo esta premisa, incentívase principalmente o coñecemento do seu ámbito inmediato, integrando neste á Policía Local como axente social próximo e colaborador.
Servizo municipal:
Policía Local
Tipo de actividade:
Complementaria
Localización do centro:
Só da Coruña
Obxecto:
- Coñecer normas básicas como peóns: cruzar a rúa polos pasos de peóns, non correr pola beirarrúa, mirar antes de cruzar...
- Coñecer as normas de seguridade nos coches: importancia do uso adecuado da cadeira de rentención infantil, non molestar ao condutor, baixarse sempre polo lado da beirarrúa...
- Entender a necesidade do uso do casco na bicicleta.
- Relacionar a figura da Policía Local co tráfico.
- Achegar a figura da Policía Local como persoa próxima da súa contorna cotiá e, sobre todo, espertar a súa confianza.
A quen vai dirixido?:
Alumnado de 6º curso de EI (5 anos).
Recursos materiais:
Proxector e reprodutor de vídeo.
Cando:
Dende o 01/10/2026 ata o 18/06/2027
Inscricións:
Dende o 15/09/2026 ata o 15/10/2026
Inscrición centros
Horario:
De 09.00 a 14.00 h, en función das necesidades dos centros educativos.
A actividade consiste en:
- Presentación e exposición do traballo da Policía Local, buscando a interacción do grupo nunha charla aberta onde poidan preguntar ou contar anécdotas.
- Visionado dos vídeos de debuxos animados de educación viaria de Green "Lixeiro Seguridade viaria": Os axentes de tráfico. Os semáforos de peóns. Ao baixarse dun coche.
- Comentarios guiados sobre os vídeos expostos.
- Camiño escolar seguro: percorrido polos arredores do centro para levar á práactica o aprendido na aula. Para esta actividade póñenselles chalecos policiais amarelos. Sempre se solicita a colaboración de polo menos dous adultos. Pretende que os nenos e nenas aprendan non só os coñecementos relativos ao tráfico propios para a súa idade, sempre dunha forma lúdica con materiais audiovisuais, senón que tamén se realiza unha ruta ao redor do seu centro para levar á práctica todo o aprendido na aula. Búscase que establezan unha mellor relación co seu ámbito máis próximo, nos seus desprazamentos do día a día e en situacións que poidan considerar como cotiás e reais.
O tempo de duración das actividades é de 2 horas.
Máis información:
Recursos humanos: dous ou máis adultos para facer o percorrido ao redor do centro (poden ser familia ou profesorado).
Documentos:
Contacto:
Servizo Municipal de Policía Local
Inspector Principal. Coordinador de Educación Viaria
Tel.: 981 184 200 Ext.: 13008
Programa ao que pertence
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible