- Inicio
- Programas Educativos
- Detalle programa
Educación viaria coa Policía 2026-27
O programa de Educación Viaria do Concello da Coruña é unha actividade dirixida e realizada pola Policía Local da nosa cidade. Busca mellorar a seguridade viaria dos escolares mediante unha formación adecuada e adaptada ás necesidades e diversidade dos grupos, destacando a transmisión de valores e actitudes de condutas cívicas, e por tanto, viarias.
Localización do centro:
Só da Coruña
Servizo municipal:
Policía Local
Tipo de actividade:
Complementaria
A quen vai dirixido?:
Alumnado de EI (5 anos), EP, ESO, BACH, FP e EE.
Prezo / Custo:
Gratuíta
Obxecto:
- Aprender coñecementos relativos ao tráfico adaptados a cada idade: sinais, normas...
- Adquirir hábitos correctos relacionados coa seguridade viaria como peóns, pasaxeiros dos vehículos a motor ou ciclomotores e como condutores de bicicletas.
- Coñecer a contorna urbana e arredores do seu centro educativo.
- Tomar conciencia dos riscos de condutas imprudentes no tráfico.
- Reflexionar sobre a mobilidade sostible: a contaminación medio ambiental e acústica provocada polo tráfico.
- Achegar a figura da policía local como alguén próximo que lles ensina a moverse pola cidade de forma segura.
Todas as persoas somos usuarias das vías públicas. O tráfico e a nosa mobilidade en xeral, ben como peóns, condutores ou pasaxeiros, é unha das vantaxes do progreso, pero aínda temos que traballar para minimizar os inconvenientes que tamén leva: as vítimas por accidentes e a deterioración ambiental.
A Policía Local é a organización profesional e pública con formación especializada en tráfico e mobilidade, así como os únicos con competencias neste ámbito dentro do centro urbano. Por tanto, a lei encoméndanos unha das funcións máis importantes: a prevención. A Educación Viaria é a mellor prevención que existe, así o demostran as estatísticas, xa que os países con menos sinistralidade son os que máis esforzos dedican a formación en Educación Viaria. Por isto, dispoñemos dunha policía con formación en psicopedagoxía que se encarga do deseño e implementación dos programas de Educación Viaria dirixidos ao alumnado da nosa cidade. Estes programas están deseñados para adaptarse ás necesidades e diversidade dos grupos. Buscan o fundamento dunha mellor Seguridade viaria para todos e todas.
Dispoñemos de varias modalidades en función das idades dos grupos:
- Os parruliños coñecen a rúa 2026-27 : para alumnado de 4º, 5º e 6º de Educación Infantil.
- Coruña diversa 2026-27 : para alumnado de necesidades educativas especiais, asociacións e entidades de persoas con diversidade funcional, así como persoas maiores de 60 anos que desexen formarse en novas modalidades de mobilidade persoal.
- Coñecer o Centro Integral de Mobilidade (CIMOB) 2026-27 : para alumnado de Educación Primaria, ESO. Bacharelato, FP e asociacións veciñais ou entidades de interese. Fórmase aos asistentes nas variedades existentes en mobilidade dentro do termo municipal, así como a súa vixilancia mediante o circuíto de videocámaras
- Rodando pola cidade de cristal 2026-27 : para alumnado de 4º, 5º e 6º de Educación Primaria, ESO e Bacharelato. Inclúe talleres de bicicleta, formación en Vehículos de Mobilidade Persoal (VMP) e saída ciclista posterior.
Condicións do programa
É un programa flexible, que se pode adaptar ás limitacións horarias dalgúns cursos ou centros.
Cando:
Dende o 01/10/2026 ata o 18/06/2027
Inscricións:
Dende o 15/09/2026 ata o 15/10/2026
Inscrición centros
Contacto:
Servizo Municipal de Policía Local
Coordinador de Educación Viaria
Tel.: 981 184 200 Ext.: 13008
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible