- Inicio
- Programas Educativos
- Detalle programa
Campacoles. Verán 2026
A Federación Provincial das ANPA, en convenio co Concello da Coruña, e co fin de dar resposta ás necesidades de conciliación das familias nos períodos vacacionais (a partir da última semana de xuño e durante o mes de xullo), leva a cabo o programa Campacoles, que se desenvolve como campamentos urbanos con servizo de madrugadores e comedor.
Localización do centro:
Só da Coruña
Servizo municipal:
Educación
Tipo de actividade:
Extraescolar
A quen vai dirixido?:
Escolares de educación infantil e primaria matriculados/as nos CEIP do Concello da Coruña no actual curso 2025/2026; nados entre o 01/01/2014 ao 31/12/2022
Horario:
Os campamentos realizaranse de luns a venres, excepto festivos, das 10.00 ás 14.00 h e cos seguintes horarios:
- Só campamento: de luns a venres, das 10.00 ás 14.00 h
- Madrugadores: de luns a venres, das 8.30 ás 10.00 h
- Comedor: de luns a venres, das 14.00 ás 15.30 h (poderase saír dende as 15.00 h)
Prezo / Custo:
Cotas de inscrición e servizos por quenda
- Campacole: 40,00 €
- Madrugadores sen almorzo: 20,00 €
- Madrugadores con almorzo: 36,00 €
- Comedor: 60,00 €
As persoas solicitantes que son beneficiarias da bolsa comedor no curso 2025/2026 terán unha bonificación do 50% de desconto na cota específica de Campacole. En todos os casos, os servizos de madrugadores e de comedor, aboaranse na súa totalidade.
- Seguro de accidentes: 5,00 €
Estarán exentos/as do pago do seguro de accidentes aquelas persoas solicitantes matriculadas en calquera programa ofertado pola Federación das ANPA no curso 2025/2026 ("Cóxegas", "Deporte no centro", "Arte e cultura no centro" e "Idiomas no centro").
MODO DE ABONO: a cota correspondente aboarase mediante transferencia a favor da Federación Provincial das Anpa: ES37 2100 6359 5802 0006 1816
No caso de non realizarse o pago nos prazos establecidos perderase a praza, que será ofrecida á seguinte persoa en lista de espera.
Actividades e quendas
As actividades programadas terán un carácter multidisciplinar, con propostas que irán desde a animación á lectura ata os xogos e deportes, pasando polos xogos de enxeño, actividades musicais, teatrais, etc.
Como o curso pasado, haberá 1 hora diaria de INGLÉS para cada grupo, dentro da propia programación do Campacole.
Todas estas propostas virarán ao redor de uno mesmo fío condutor ou TEMÁTICA en cada quenda:
- 1º QUENDA (22 de xuño a 3 de xullo) - Á abordaxe!: prepárache para ser un pirata e cruzar os sete mares xunto á nosa tripulación. Descifra mapas antigos, supera retos e atopa o tesouro escondido. Arriad as velas e preparade o desembarco!
- 2º QUENDA (6 a 17 de xullo) - Pinceladas no tempo: descobre a secretos da arte e viaxa desde a pintura rupestre ata os deseños máis xeométricos, desde os clásicos ata as vangardas. Coñece e xoga coas grandes obras de todos os tempos e mergúllache neste paseo pola arte. Esperta ao xenio que levas dentro!
- 3º QUENDA (20 a 31 de xullo) - Misión espacial: este ano, o fenómeno do século cruza A Coruña. O sol, a lúa e as eclipses cobran vida e ocuparán os días nesta quenda. Convérteche en astrónomo, en vixiante do espazo, para realizar simulacións, experimentos e descubrir misterios espaciais.
Lugares de realización
CEIP Juan Fernández Latorre; CEIP María Barbeito; CEIP Novo Mesoiro; CEIP Ramón de la Sagra; CEIP San Francisco Xabier; CEIP San Pedro de Visma; CEIP Torre de Hércules; CEIP Wenceslao Fernández Flórez.
Número de prazas
1.080 prazas en total (360 por quenda: 45 prazas en cada centro escolar en 3 grupos de 15 escolares por sede e quenda).
Terán preferencia, ata un 33% das prazas por quenda, o alumnado que estea matriculado no centro que é sede do campamento.
Publicación de listas provisionais
Tras a publicación das listas provisionais, ábrese un prazo de reclamación durante os días 18 e 19 de maio, ambos os días incluídos.
Publicación de listas definitivas e sorteo de prazas
Finalizado o prazo de presentación de reclamacións ante as listas provisionais, publicouse, o día 20 de maio, as lista definitiva de persoas preinscritas.
O sorteo de prazas celebrouse o xoves 21 de maio, ás 08:35 horas, sendo o número resultante o 974 (app-sorteos.com/w/WM6QDE3).
O luns 1 de xuño se pubicará a listaxe definitiva de persoas seleccionadas.
Cando:
Dende o 22/06/2026 ata o 31/07/2026
Inscricións:
Dende o 04/05/2026 ata o 07/05/2026
Calendario de solicitude, adxudicación e abono:
- Prazo de solicitude:4, 5 ,6 e 7 de maio de 2026.
- Publicación da listaxe provisional de solicitantes: 15 de maio.
- Reclamacións á listaxe provisional: 18 e 19 de maio.
- Publicación da listaxe definitiva de solicitantes admitidos/as: 20 de maio.
- Sorteo de prazas: 21 de maio, ás 10:00 horas.
- Publicación da listaxe definitiva de : admitidos/as1 de xuño.
- Inscrición e pago: 2, 3, 4 e 5 de xuño.
- Chamadas á lista de espera: a partir do 10 de xuño.
Contacto:
Federación Provincial das ANPA de centros públicos
R/ Orzán, 21 - 15001 A Coruña
Tel.: 981 202 002 / 649 055 939 / 698 158 503
Servizo Municipal de Educación
Tel.: 981 184 200 ext.: 10179
Requisitos:
1. Poderanse solicitar por orde de preferencia ata 3 quendas.
2. A cada solicitante asignaráselle un número correlativo segundo o momento da inscrición.
3. En caso de irmáns ou irmás tomarase como referencia o número de adxudicación de quen se inscriba en primeiro lugar.
4. A adxudicación de prazas farase empezando polo número agraciado e seguirase cos números inmediatamente correlativos. De chegar ao final da listaxe numérica sen esgotárense as prazas dispoñibles, continuarase polo primeiro número inscrito.
5. Ademais do número, para a adxudicación terase en conta a orde de preferencia da quenda solicitada e as prazas dispoñibles nela.
6. Na ficha de inscrición detallaranse a autorización ou non do uso da imaxe, se ten algunha alerxia alimentaria, se padece algunha doenza que impida realizar a actividade física e se precisa algún tipo de atención individualizada.
7. Os grupos de madrugadores e comedor só se formarán cun mínimo de 10 participantes inscritos/as.
Recursos materiais:
O centro escolar sede deberá proporcionar espazos adecuados para realizar as actividades do programa. Cada grupo de participantes deberá contar cun espazo ou aula de referencia.
Recursos humanos:
Cada grupo que se forme terá como responsable unha única persoa educadora; excepto aqueles grupos que, polas súas especiais características, necesiten unha persoa educadora de reforzo.
Organiza:
Federación Provincial das ANPA de centros públicos da Coruña, en convenio de colaboración co Concello da Coruña, para o desenvolvemento dos "Programas de Ocio" nos CEIP do municipio, en horario extraescolar.
Máis información:
Inscrición: A través da ficha na web https:/app.fedapascoruna.org/login
Publicación de listaxes de persoas admitidas (provisionais e definitivas): na web municipal www.coruna.gal, no 010 e na web da federación das ANPA: www.fedapascoruna.org
Máis información sobre os Campamentos municipais do Concello da Coruña Verán 2026: /web/gl/actualidade/axenda/campamentos-de-veran-2026
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible