Chorus é un programa educativo e cultural do Concello da Coruña para a formación de coros infantís.

Iniciouse no curso 2025/2026 nos centros educativos e desenvolveuse en horario lectivo, cunha ampla participación e a implicación de centros escolares e formacións musicais de referencia.

No curso escolar 2026/2027 desenvolverase en horario extraescolar, de 16:00 a 17:30h (1 sesión semanal de luns a venres, segundo a planificación do ANPA de cada centro).

ORGANIZACIÓN DAS ACTIVIDADES

A oferta de programas e a selección de actividades de cada centro será determinada pola súa ANPA, conforme á proposta de Lecer da Federación, e deberá ser aprobada polo Consello Escolar.

A Federación de Anpas valorará a viabilidade das actividades e poderá propoñer alternativas nos seguintes casos:

1. Non se consiga o número mínimo de participantes.
2. Carézase de persoal, materiais ou instalacións adecuadas.
3. Se un grupo xa iniciado queda por baixo do número mínimo debido a baixas ou ausencias.

ADXUDICACIÓN DE PRAZAS

As prazas adxudicásense por rigorosa orde de inscrición, no caso de existir limitacións por razóns organizativas ou de espazo.

CONDICIÓNS DE PARTICIPACIÓN

• Cumprir as normas de convivencia do centro e manter unha actitude de respecto no desenvolvemento das actividades. En caso de non cumprirse aplicarase o protocolo disciplinario correspondente.
• A falta de asistencia continuada sen xustificación poderá supoñer a expulsión do programa sen dereito a devolución da cota abonada. Esa vacante poderá ser ocupada por outro escolar que a necesite por estar en listaxe de espera.
• Unha vez comezado o programa, se algún grupo xa formado queda por baixo do cociente mínimo establecido por falta de asistencia dos participantes, non podería continuar, quedando suspendida esa actividade.
• As actividades solicitadas escolleranse entre a oferta de actividades proposta polo ANPA de cada centro.
• ALTAS, BAIXAS E CAMBIOS DE ACTIVIDADE: As solicitudesd deberán facerse por escrito vía correo electrónico: actividades@fedapascoruna.org, ata o día 20 do mes anterior

As altas novas e cambios de actividade quedarán supeditadas á existencia de prazas na actividade nova solicitada e ao criterio técnico.

As solicitudes de baixa fóra de prazo implicarán o abono da cota na forma habitual.

No caso de devolución da cota, os gastos derivados da xestión bancaria engadiranse na cota para abonar.

A falta de pagamento da cota entenderase como baixa na actividade. Non se poderá acceder a outras actividades ou programas ata estar ao corrente do devandito pago.