Concurso dirixido aos centros educativos de Educación Primaria da Coruña, no que poderá participar o alumnado que curse 3º, 4º, 5º e 6º no curso 2025-2026.

O alumnado, previo á entrega de traballos, deberá recibir un taller teórico no que se traballan distintos temas de mobilidade sustentable e segura, para logo realizar unha carta ou un debuxo dando unha mensaxe en relación aos devanditos contidos.

Cada centro educativo fará unha preselección e enviará un máximo de 15 debuxos e/ou cartas que considere que cumpren os obxectivos do proxecto (xunto coa lista do alumnado seleccionado e o título dos seus traballos), á Asociación STOP Accidentes Galicia.

Permitirase participar ao alumnado nas dúas modalidades, é dicir, admitiranse por alumno un traballo de carta e debuxo, aínda que só será finalista un dos traballos.

Premios

Premiásense 15 traballos entre cartas e debuxos, un para cada mes do calendario e 3 premios especiais de debuxos de portada e bases do calendario, que serán os traballos que ilustren o calendario da Asociación para 2026.

Os/as alumnos/as gañadores/as recibirán un premio relacionado coa seguridade viaria e sortearanse dous agasallos entre todos os alumnos participantes.

A entrega de premios para os/as gañadores/as terá lugar no salón de plenos do Concello no mes de decembro de 2026.