- Inicio
- Programas Educativos
- Detalle programa
Converxencias, arte e ciencia 2026: Juan Gris - Exposición
A exposición Converxencias, arte e ciencia: Juan Gris, organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxias e os vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.
Localización do centro:
De calquera concello
Servizo municipal:
Educación
Tipo de actividade:
Outras
Titularidade do centro:
Público, Concertado, Privado
A quen vai dirixido?:
Preferentemente, alumnado de ESO, BACH e FP de Galicia.
Tamén existe a posibilidade de adaptar a sesión para a Escola de Arte e a Universidade da Coruña.
Horario:
Desde o 26/01/2026 ata o 30/01/2026:
- Visitas e talleres para os centros educativos de dúas horas de duración. Horarios:
- De 09:15 a 11:15
- De 10:45 a 12:45
- De 12:15 a 14:15
- Parte expositiva aberta ao público en xeral, en horario de 15:00 a 21:00 h.
Prezo / Custo:
Gratuito.
Obxecto:
O obxectivo fundamental dos talleres-exposición é ilustrar e profundar no diálogo entre a ciencia, a arte e a tecnoloxía, primando en todo momento o compoñente didáctico e divulgativo para achegarse ao público xeral e, especialmente, á mocidade. Trátase dunha proposta que propicia o tratamento STEAM nas aulas (ciencia, tecnoloxía, enxeñería, arte e matemáticas). Unha maneira de traballar a ciencia e a arte en proxectos conxuntos, que impliquen ambos os aspectos.
Na exposición preténdese explorar esa interacción dinámica das conexións entre a arte e a ciencia, para establecer visións integradas e integradoras. Para iso selecciónanse obras e autores representativos de distintos movementos artísticos ao longo do tempo.
Nesta ocasión a viaxe iníciase na arte celta e céntrase especialmente en movementos artísticos dos últimos séculos para terminar con obras de arte dixital 3D, de Manuel Díaz Regueiro, seleccionadas e expostas en 15 congresos internacionais de arte e matemáticas.
Estrutura e composición da proposta para 2026:
- Presentación animada sobre o uso das matemáticas no método compositivo e o uso da cor por Juan Gris. Relación entre o Cubismo e a teoría da relatividade.
- Parte expositiva:
- Paneis interpretativos que poñen de manifesto as conexións coa ciencia das distintas obras obxecto de análises.
- Obras de arte dixital impresas en 3D de Manuel Díaz.
- Talleres. En función das características do grupo, desenvólvense algúns dos seguintes talleres para implementar a parte expositiva:
- Conxunto de actividades relacionadas coa simetría:
- Simetrías 2D (libros de espellos, escritura de Leonardo, programa os 17 grupos de simetrías).
- Simetrías 3D (poliedros, simetrías especulares, caleidoscopios poliédricos...).
- Tramas e ilusións ópticas.
- Espirais de Fibonacci.
- Topología. Cordas topológicas e banda de Möebius.
- Creando e interpretando mosaicos: xogo de Alhambra, tipo Escher, de Penrose.
- Grupos. Dun poliedro ou dunha figura plana.
- Zome. Polidrones. Icosaedro áureo, Tensegridades, Xogos 3D...
- Os poliedros na arte.
- Conxunto de actividades relacionadas coa simetría:
Cando:
Dende o 26/01/2026 ata o 30/01/2026
Las fechas pueden sufrir modificaciones por temas de organización.
Inscricións:
Dende o 15/12/2025 ata o 19/01/2026
Ficha de solicitude específica:
Realizarase a través dun formulario na web: http://www.igaciencia.eu
- Prazo de inscrición para os centros educativos do Concello da Coruña (un grupo por centro): do 8/12/2025 (ás 10:00h) ao 12/12/2025 (ás 14:00h).
- Prazo de inscrición para os centros educativos doutros concellos (un grupo por centro): do 15/12/2025 (ás 10:00h) ao 19/12/2025 ás 14:00 h).
- No caso de que non se cubran todos os grupos, os centros de calquera concello poden inscribir un segundo grupo: do 12/01/2026 (ás 10:00h) ao 19/01/2026 (ás 14:00h).
Contacto:
IGACIENCIA
Inés Ben
Servizo Municipal de Educación
Tel. 981 184 200 ext. 10911
Requisitos:
- Un máximo de 40 alumnos/as por sesión.
- Un grupo por centro, acompañados por 1 docente. E se quedan prazas libres, un segundo grupo por centro.
Organiza:
IGACIENCIA e Servizo Municipal de Educación
Enderezo:
Centro Sociocultural Ágora. Lugar Gramela 17. 15010 A Coruña
Máis información:
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible